Bił Hiejts pakinuŭ radu dyrektaraŭ Microsoft paśla infarmacyi pra raman z padnačalenaj
Rada dyrektaraŭ Microsoft u 2020 hodzie pryniała rašeńnie, što Bił Hiejts pavinien syści z zasnavanaj im kampanii z pryčyny ramantyčnych adnosin z padnačalenaj u minułym.
U 2019 hodzie členy rady dyrektaraŭ źviarnulisia ŭ jurydyčnuju firmu dla praviadzieńnia rasśledavańnia, paśla taho jak supracoŭnica Microsoft zajaviła pra raman ź Biłam Hiejtsam u 2000 hodzie, piša The Wall Street Journal.
Padčas rasśledavańnia niekatoryja členy rady dyrektaraŭ vyrašyli, što Hiejtsu lepš syści z pasady dyrektara kampanii, jakuju jon zasnavaŭ i ŭznačalvaŭ na praciahu dziesiacihodździaŭ. Hiejts padaŭ u adstaŭku da zaviaršeńnia rasśledavańnia i da taho, jak było b pryniata aficyjnaje rašeńnie pa hetym pytańni.
Pres-sakratarka Biła Hiejtsa śćviardžaje, što sychod miljardera nie źviazany z tym ramanam, jaki byŭ 20 hadoŭ tamu i skončyŭsia mirna. Pa jaje słovach, Hiejts choča bolš zasiarodzicca na dabračynnaj dziejnaści, čym i abumoŭleny jaho sychod.
Hiejts syšoŭ z Microsoft sioleta 13 sakavika, praz try miesiacy paśla svajho pieravybrańnia na hetu pasadu.
Dva tydni tamu Bił i Milinda Hiejts zajavili pra razvod paśla 27 hadoŭ šlubu.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary