Iłan Mask paśpiachova vyprabavaŭ karabiel dla palotu na Mars
Amierykanskaja kampanija SpaceX zmahła ŭ sieradu viertykalna pasadzić pratatyp pryznačanaha dla palotaŭ na Mars kaśmičnaha karabla Starship, paviedamlajuć infarmahienctvy.
Pratatyp karabla Starship z nasavym abciakalnikam i stabilizatarami, jaki atrymaŭ abaznačeńnie SN15, na praciahu niekalkich chvilin padniaŭsia na vyšyniu kala 10 km. Paśla hetaha jon ździejśniŭ płaŭnuju pasadku na placoŭku, raźmieščanuju pobač sa startavym kompleksam u rajonie Boka-Čyka (štat Techas). «Štatnaja pasadka Starship», — napisaŭ pa zaviaršeńni vyprabavańniaŭ u Twitter kiraŭnik SpaceX Iłan Mask.
Papiaredni vyprabavalny palot adbyŭsia 30 sakavika, aparat raźbiŭsia pry pasadcy. Padčas anałahičnych vyprabavańniaŭ u śniežni 2020 hoda i lutym hetaha hoda pratatypy taksama ŭzryvalisia adrazu pry sudakranańnia ź placoŭkaj. U pačatku sakavika SpaceX udałosia viertykalna pasadzić Starship, adnak jon vybuchnuŭ praź niekalki chvilin.
Na kadrach tranślacyi ŭ sieradu było vidać, što na praciahu niekalkich chvilin z-pad nižniaj častki karabla vyryvalisia jazyki połymia. Ahoń udałosia patušyć.
Kaśmičny karabiel šmatrazovaha vykarystańnia Starship pryznačany dla palotaŭ na Mars i raźličany na 100 čałaviek. Mask raniej paviedamiŭ, što pieršy vyprabavalny palot na kalaziamnoj arbicie, vierahodna, projdzie sioleta.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary