Ілан Маск паспяхова выпрабаваў карабель для палёту на Марс
Амерыканская кампанія SpaceX змагла ў сераду вертыкальна пасадзіць прататып прызначанага для палётаў на Марс касмічнага карабля Starship, паведамляюць інфармагенцтвы.
Прататып карабля Starship з насавым абцякальнікам і стабілізатарамі, які атрымаў абазначэнне SN15, на працягу некалькіх хвілін падняўся на вышыню каля 10 км. Пасля гэтага ён здзейсніў плаўную пасадку на пляцоўку, размешчаную побач са стартавым комплексам у раёне Бока-Чыка (штат Тэхас). «Штатная пасадка Starship», — напісаў па завяршэнні выпрабаванняў у Twitter кіраўнік SpaceX Ілан Маск.
Папярэдні выпрабавальны палёт адбыўся 30 сакавіка, апарат разбіўся пры пасадцы. Падчас аналагічных выпрабаванняў у снежні 2020 года і лютым гэтага года прататыпы таксама ўзрываліся адразу пры судакранання з пляцоўкай. У пачатку сакавіка SpaceX удалося вертыкальна пасадзіць Starship, аднак ён выбухнуў праз некалькі хвілін.
На кадрах трансляцыі ў сераду было відаць, што на працягу некалькіх хвілін з-пад ніжняй часткі карабля вырываліся языкі полымя. Агонь удалося патушыць.
Касмічны карабель шматразовага выкарыстання Starship прызначаны для палётаў на Марс і разлічаны на 100 чалавек. Маск раней паведаміў, што першы выпрабавальны палёт на калязямной арбіце, верагодна, пройдзе сёлета.
Цяпер чытаюць
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця5
Каментары