Адыёзнага вайсковага камісара Гомельскай вобласці Андрэя Крываносава звольнілі са службы. Яго памянялі на маладзейшага вайскоўца ў званні падпалкоўніка і пакінулі права нашэння формы і ўзнагарод, піша «Флагшток».
Цяпер экс-камісар зможа засяродзіцца на сваёй высокай пасадзе ў Мінску — працы ў Савеце Рэспублікі Нацыянальнага сходу Беларусі.
Андрэй Крываносаў стаў шырока вядомы пасля падзей 2020 года з-за сваёй актыўнай падтрымкі Лукашэнкі, якая часта выяўлялася ў даволі камічных формах.
Так, падчас Усебеларускага народнага сходу ў лютым 2021 года ён паціснуў руку Аляксандру Лукашэнку, у выніку чаго нібыта атрымаў «зарад энергіі і рашучасці», а пасля публічна перадаў яго іншым вайскоўцам.
Таксама ў адным з прапагандысцкіх эфіраў, адказваючы на пытанне суразмоўцы, ён сам акрэсліў сябе як «ябацьку».
«Блін беларускі, залятае ў рот не вузкі». Скандальны камісар Крываносаў зняўся ў дзіўнай рэкламе
Мемны гомельскі ваенкам рэзка змяніў імідж
Гомельскі ваенкам Крываносаў паабяцаў зрабіць з трэш-стрымера Mellstroy «годнага байца»
Зарад энергіі і рашучасці. ТОП-20 беларускіх мемаў сыходзячага года
У Жлобіне выступ Калеснікавай спрабаваў сарваць вайсковы камісар Гомельскай вобласці
Каментары