Kramu ŭ Hrodnie prymušajuć davać tłumačeńni nakont prodažu BČB-simvoliki. Na ich naskardziŭsia žychar ź Viciebskaj vobłaści
Hrodzienskuju kramu suvieniraŭ «Admietnaść» abaviazvajuć dać tłumačeńni haradskim uładam nakont prodažu bieła-čyrvona-biełaj simvoliki i inšych rečaŭ. Žychar vioski ŭ Vierchniadźvinskim rajonie źviarnuŭsia sa skarhami na kramu ŭ try hrodzienskija instancyi, paviedamlaje hrodna.life
Zapyt na pradastaŭleńnie infarmacyi na imia ułaśnika Siarhieja Vieramiejenki 21 krasavika pieradaŭ u kramu «Admietnaść» asabista supracoŭnik Upraŭleńnia handlu hrodzienskaha harvykankama. Redakcyja Hrodna.life aznajomiłasia z dakumientam.
Hrodzienski abłvykankam, rajonny saviet deputataŭ i rajvykankam atrymali elektronnyja zvaroty ad imia A.H.Kavalova, žychara Bihosava Vierchniadźvinskaha rajona, skazana ŭ zapycie. Zvaroty źviazanyja z prodažam u kramie «Admietnaść» tavaraŭ «ź niezarehistravanaj akupacyjnaj bieł-čyrvona-biełaj simvolikaj» dy «inšaha». Bieł-čyrvona-biełyja ściahi u dakumiencie nazvanyja «pranacyscka-pratestnymi».
Dla kramy heta pieršaja piśmovaja pretenzija takoha kštałtu.
«Adkaz my, kaniešnie, damo. Ale hetaja skarha — biazhłuzdaść, nieabhruntavanaje abvinavačańnie nieviadoma ŭ čym, — raskazaŭ Siarhiej Vieramiejenka. — Jakija jašče nacysty, pratestoŭcy? Znoŭ hetaja kaša, katoraja tvorycca ŭ hałovach niekatorych ludziej».
Jon płanuje dać uładam tłumačeńni, što zhadany ściah — častka biełaruskaj historyi. «Heta byŭ ściah Biełaruskaj Narodnaj Respubliki, ściah Respubliki Biełaruś z 1991 hoda, — pieraličyŭ Siarhiej. — Spałučeńnie biełych i čyrvonych koleraŭ nie źjaŭlajecca i nie moža być parušeńniem zakanadaŭstva Respubliki Biełaruś».
Siarhiej Vieramiejenka ździŭleny, čamu žychar Vierchniadźvinskaha rajona nie vykazaŭ pretenzii supracoŭnikam kramy asabista, kali jon jaje naviedvaŭ. «Kali padobnaje ź jaho boku budzie paŭtaracca — budu padavać u sud, bo heta paklop», — kaža Siarhiej.
Indyvidualnyja pradprymalniki zhodna z zakonam abaviazany pradastaŭlać infarmacyju, nieabchodnuju dla razhladu zvarotkaŭ spažyŭcoŭ, nahadali ŭ zapycie. U inšym vypadku ich čakaje administracyjnaja adkaznaść (štraf da 20 bazavych vieličyń). Siarhiej Vieramiejenka musić pradastavić tłumačeńni va Upraŭleńnie handlu i pasłuh harvykankama nie paźniej za 26 krasavika.
Namieśnica načalnika upraŭleńnia handlu Janina Bliźnieŭskaja, podpis jakoj staić pad zapytam da kramy «Admietnaść», admoviłasia kamientavać situacyju dla Hrodna.life. Pavodle jaje, čynoŭniki nie abaviazany kamientavać presie svaje dziejańni ŭ dačynieńni subjektaŭ.
-
U Biełarusi zabaranili kitajskija telefony. Norma ŭtrymańnia śvincu ŭ ich była pieravyšana ŭ 330 razoŭ
-
Pahladzicie, jaki miły sabaka pracuje na pamiežnym pierachodzie z Łatvijaj FOTAFAKT
-
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii9
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3838
Kamientary