Biełaruski palitołah, na jakoha zaviali spravu za abrazu Łukašenki, źjechaŭ z Rasii
Biełaruski palitołah Dźmitryj Bałkuniec ekstranna źjechaŭ z Rasii paśla zaviadzieńnia kryminalnaj spravy ŭ Biełarusi ab abrazie Alaksandra Łukašenki.
Pra heta jon paviedamiŭ u svaim telehram-kanale.
Pavodle jaho słoŭ, jon byŭ vymušany źmianić biahučyja płany i pierabracca ŭ bolš biaśpiečnaje miesca. «Novaje žyćciovaje vyprabavańnie pakazała, što ŭ mianie šmat siabroŭ. Dziakuj usim za padtrymku i dapamohu! Takija «pryhody» nadajuć sił i enierhii!», — napisaŭ Bałkuniec.
26 sakavika Hienieralnaja prakuratura Biełarusi paviedamiła, što Bałkuniec abvinavačvajecca ŭ «publičnaj abrazie prezidenta» pa častcy 1 artykuła 368 Kryminalnaha kodeksa. Nieŭzabavie palitołah adznačyŭ, što nie baicca mahčymaha pieraśledu.
Kamientary