Daśledčyki: paŭtornaje zaražeńnie kavidam čaściej sustrakajecca ŭ pažyłych ludziej
Zhodna ź niadaŭnim daśledavańniem, apublikavanym u miedycynskim časopisie The Lancet, paŭtornaje zaražeńnie kavidam sustrakajecca adnosna redka, ale čaściej za ŭsio druhi raz zaražajucca ludzi, starejšyja za 65.
Raniej było vyjaŭlena, što ludzi, jakija pieranieśli kavid, majuć achovu ad infiekcyi na praciahu šaści miesiacaŭ. Hrupa navukoŭcaŭ z dackaha Departamienta epidemijałohii i prafiłaktyki infiekcyjnych zachvorvańniaŭ adznačaje, što praz paŭhoda nie było vyjaŭlena dokazaŭ značnaha pasłableńnia hetaj achovy. Adnak demahrafičnyja źviestki pakazali, što pažyłyja ludzi bolš schilnyja zaražacca paŭtorna.
Daśledčyki vyvučali ŭzrovień paŭtornaha zaražeńnia siarod 11 068 čałaviek padčas druhoj chvali kavidu ź vieraśnia da śniežnia. Z usich udzielnikaŭ tolki 72 zarazilisia paŭtorna z pačatku pandemii. Heta składaje mienš, čym 1%. Adnak siarod tych, chto zaraziŭsia paŭtorna, bolšaść składajuć pažyłyja ludzi, piša CNN.
Było vyjaŭlena, što starejšaja ŭzrostavaja hrupa mieła tolki 47% achovy ad paŭtornaj infiekcyi paśla šaści miesiacaŭ, u toj čas jak u maładych ludziej heta ličba dasiahała 80%. Heta tłumačycca tym, što z uzrostam pasłablajecca imunnaja sistema čałavieka.
U publikacyi aŭtary adznačajuć, što vyniki daśledavańnia padkreślivajuć, nakolki važna prytrymlivacca mier zaściarohi navat tym, chto ŭžo pierachvareŭ na kavid.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3535
Kamientary