U Viciebsku zvalniajuć Uładzimira Martava — reanimatołaha, jaki pieršym u Biełarusi ščyra skazaŭ pra kavid
U Viciebsku atrymaŭ apaviaščeńnie ab niepadaŭžeńnie pracoŭnaha kantraktu Uładzimir Martaŭ — zahadčyk adździaleńnia aniestezijałohii i reanimacyi haradskoj kliničnaj balnicy chutkaj miedycynskaj dapamohi. Doktar paćvierdziŭ Tut.by, što 2 krasavika «zabiraje pracoŭnuju knižku».
1 sakavika Uładzimir Martaŭ atrymaŭ apaviaščeńnie ad administracyi BCHMD ab tym, što z 3 krasavika ź im nie praciahvajuć pracoŭny kantrakt — «u suviazi z zakančeńniem terminu jaho dziejańnia». Uładzimir Martaŭ paćvierdziŭ hetuju infarmacyju:
— 2 krasavika zabiraju pracoŭnuju knižku.
Miedyk adznačyŭ, što heta dla jaho «čakana», ale jon pakul nie hatovy havaryć na hetuju temu bolš padrabiazna.
Uładzimir Martaŭ staŭ adnym ź pieršych daktaroŭ u Biełarusi, chto jašče ŭ krasaviku 2020 hoda, kali ŭłady zapeŭnivali, što nichto ad COVID-19 u nas nie pamiraje, nie pabajaŭsia zajavić, što prablema jość i jana surjoznaja.
U mai minułaha hoda jon raspavioŭ ab svaim vopycie lačeńnia chvorych z karanavirusam u reanimacyi.
U listapadzie doktar Martaŭ daŭ vialikaje intervju Tut.by ab druhoj chvali kavidu. Reanimatołah kazaŭ, što kankretna Viciebsk «pałaŭ» ad infiekcyi mienš, čym viasnoj, ale scenary ŭ chvaroby byli samyja roznyja: pamirali i maładyja, i prychilniki zdarovaha ładu žyćcia. A dla daktaroŭ na novaj «vajnie» adkryŭsia jašče i «druhi front» — palityčny.
-
U Minsku pradali kvateru, u jakoj była zarehistravanaja Alaksandra Hierasimienia
-
Pisaŭ u čatach pa-biełarusku i sam ramantavaŭ svajo aŭto. Kiraŭnika inavacyj IT-kampanii 4RM Systems kinuli za kraty za palityku
-
Łukašenka pryjechaŭ na «raptoŭnuju» pravierku bojehatoŭnaści Uzbrojenych sił. Ministra papiaredzili a 7‑j ranicy
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja10
Kamientary