Prysud u Breście: zabitaha 11 žniŭnia Šutava pryznali vinavatym, Kardziukovu dali 10 hadoŭ
25 lutaha ŭ Breście vynieśli prysud niabožčyku Hienadziu Šutavu, jakoha śmiarotna paranili ŭ hałavu padčas pratestaŭ 11 žniŭnia, i jaho siabru Alaksandru Kardziukovu, piša Tut.by.
Sud pryznaŭ Šutava i Kardziukova vinavatymi ŭ supracivie z užyvańniem hvałtu, a Kardziukova — jašče i ŭ zamachu na zabojstva asoby, u suviazi z ažyćciaŭleńniem joj słužbovaj dziejnaści. Kardziukovu pryznačyli 10 hadoŭ kałonii ŭzmocnienaha režymu.
Šutovu vynieśli abvinavaŭčy pryhavor biez pryznačeńnia pakarańnia.
Abodva paciarpiełyja vajskoŭcy sił śpiecyjalnych apieracyj, na jakich, pa viersii abvinavačvańnia, napali bieraściejcy, raniej admovilisia vystaŭlać pazovy da abvinavačvanych ab kampiensacyi škody.
Prysud nie ŭstupiŭ u zakonnuju siłu i moža być abskardžany.
16 lutaha ŭ Bieraści pačaŭsia razhlad kryminalnaj spravy ab supracivie i zamachu na zabojstva asoby, jakaja achoŭvaje hramadski paradak. Padziei, jakija stali padstavaj dla razhladu, adbylisia 11 žniŭnia 2020. U toj dzień u Breście śmiarotna paranili Hienadzia Šutava.
Paciarpiełymi pryznali vajskoŭcaŭ z Marjinaj Horki: kapitan sił śpiecyjalnych apieracyj Raman Haŭryłaŭ i praparščyk Arsień Halicyn. Jak stała viadoma ŭ sudzie, 11 žniŭnia ich nakiravali na achovu hramadskaha paradku ŭ dapamohu supracoŭnikam AMAP.
«Chacieŭ strelić u pieradplečča». Vajskoviec, jaki 11 žniŭnia zabiŭ Hienadzia Šutava, daŭ pakazańni
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?1
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary