MZS aburajecca ŭdziełam zamiežnych dypłamataŭ u sudovych pasiadžeńniach
Ciapier nazirajecca sproba ŭkaranieńnia zachodnimi krainami novaj praktyki ŭździejańnia na sud praz dypłamataŭ. Takim čynam pres-sakratar Ministerstva zamiežnych spraŭ Biełarusi Anatol Hłaz prakamientavaŭ BiełTA vypadki naviedvańnia zamiežnymi dypłamatami asobnych sudovych pasiadžeńniaŭ i asobnych niaŭradavych arhanizacyj u Biełarusi.
«Ciapier my nazirajem sprobu ŭkaranieńnia zachodnimi krainami novaj praktyki — praktyki ŭździejańnia na sud praz dypłamataŭ. Nieabhruntavanaja prysutnaść zamiežnych dypłamataŭ na adkrytych sudovych pasiadžeńniach pa spravach, jakija nie tyčacca ich hramadzian, źjaŭlajecca, pa sutnaści, sprobaj utojenaha ŭdziełu ŭ pryniaćci sudovaha rašeńnia šlacham akazańnia cisku na sud. Pry hetym, padkreślu, taki cisk akazvajecca nie zamiežnym hramadzianinam u asabistaj jakaści, a mienavita dypłamatam jak aficyjnym pradstaŭnikom zamiežnaj dziaržavy. Heta značyć, havorka idzie pra de-fakta cisk na sud z boku zamiežnaj dziaržavy», — padkreśliŭ Anatol Hłaz.
«My pakidajem za saboj prava spyniać takija sproby z vykarystańniem usich jurydyčnych mahčymaściaŭ, u adpaviednaści z nacyjanalnym zakanadaŭstvam i mižnarodnym pravam, uklučajučy miechanizmy, praduhledžanyja Vienskaj kanviencyjaj ab dypłamatyčnych znosinach», — zajavili ŭ MZS.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary