U efiry ANT pakazali 20-chvilinny film pra «bandu Aŭtuchoviča». Piać nazirańniaŭ
Što z prahramy možna daviedacca novaha? Što hučyć pierakanaŭča, a što nie padmacavana ničym?
Čytajcie taksama. Chto taki Mikoła Aŭtuchovič, jakoha zatrymali za «teraryzm»? Jaho bijahrafii chapiła b na dziesiaciarych — vajna, biznes, palityka, haładoŭki, turma
1. U filmie nie pakazvajuć nivodzin dopyt Aŭtuchoviča, tolki kavałak staroha videa, dzie jon razmaŭlaje z kiḿści, siedziačy sa źviazanymi rukami.
«Mirnyja pratesty ničoha nie vyrašajuć», — kazaŭ jon tady. Vykazvałasia zdahadka, što heta dyjałoh z advakatam. Takaja razmova abaraniajecca zakanadaŭstvam, jana pavinna być kanfidencyjnaj.
Razam z tym u efiry hučać aŭdyjapaviedamleńni, jakija, jak śćviardžajecca, Aŭtuchovič dasyłaŭ žycharu Lelčyckaha rajona Viktaru Śnieharu. Toj dapamahaŭ jamu pierachodzić biełaruska-ŭkrainskuju miažu, a ciapier daje pakazańni. Hołas Aŭtuchoviča na zapisach vyhladaje realnym, ale ničoha «terarystyčnaha» ŭ jaho frazach niama.
2. U kadry pastajanna pakazvajecca nibyta pierapiska Aŭtuchoviča z roznymi abanientami (najchutčej, u telehramie). Ale nijakich dokazaŭ taho, što cytaty ŭziatyja z telefona Aŭtuchoviča, niama.
3. Pra jakich ludziej idzie havorka ŭ prahramie?
Dźmitryj Pałojka — biełarus u składzie «Danbasa», jon nibyta byŭ suviaznym.
Siamion Siamienčanka — kamandzir dobraachvotnaha bataljona «Danbas», nibyta abiacaŭ Aŭtuchoviču arhanizavać pierachod miažy.
Pavieł Sava — udzielnik padpału aŭto i doma ŭ Vaŭkavysku, daje pakazańni.
Halina Dzierbyš — nibyta dapamahała Aŭtuchoviču ŭ Hrodnie.
Artur Papok — nibyta dapamahaŭ uzryvać mašynu ŭ Hrodnie, nibyta pierachodziŭ miažu razam z Aŭtuchovičam. Złavić jaho nie ŭdałosia, znachodzicca ŭ biahach.
Čytajcie taksama. Razam z Aŭtuchovičam zatrymali pravasłaŭnaha śviatara, jaho žonku i syna
«Zachodzili ŭ chaty, hladzieli, ci nie chavaje chto Artura». Pčalara sa Smarhonskaha rajona zatrymali pa spravie Aŭtuchoviča?
4. Havorycca, što Aŭtuchovič nibyta napisaŭ ukrainskamu śpiecsłužbistu: «Na čarzie načalnik Vaŭkavyskaha RAUS». Dokazaŭ niama. Ale navat kali ŭjavić, što takoje paviedamleńnie isnavała, što jano značyć? Havorka idzie pra mahčymy napad na milicyjaniera ci čarhovy padpał aŭto?
5. Stvaralniki filma abiacajuć raskazać u druhoj častcy, jakuju zbroju Aŭtuchovič nibyta pryvioz u Biełaruś i dzie jaje chavaŭ. Namiakajuć, što mierkavałasia ŭzarvać pasažyrski aŭtobus. Dokazaŭ pakul nijakich.
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2222
Kamientary