Dziaržaŭnaje telebačańnie nazvała byłoha palitviaźnia i kiraŭnika słužby taksi ŭ Vaŭkavysku Mikałaja Aŭtuchoviča lidaram «terarystyčnaj bandy», na rachunku jakoj vybuchi, padpały, napady ŭ Hrodzienskaj vobłaści.
Aŭtuchovič źnianacku źnik pryblizna hod tamu. Mnohija ličyli, što jon moh źjechać ź Biełarusi. Były palitviazień amal nie adkazvaŭ na paviedamleńni ŭ fejsbuku, nichto nie viedaŭ jahonaje miescaznachodžańnie. Na spravie ž jon zastavaŭsia žyć u Biełarusi.
Značnuju častku času jon pravodziŭ u Breście ŭ haściach u siamji Razanovič. Luboŭ Razanovič u svoj čas vałodała słužbaj taksi, jak i Aŭtuchovič. Jana navat trymała haładoŭku ŭ 2006 hodzie.
Muž spadaryni Lubovi Siarhiej Rezanovič — pravasłaŭny śviatar ź vioski Ściapanki Žabinkaŭskaha rajona. Na pracu jeździŭ z Bresta, nastajacielem u vioscy byŭ ad 2004 hoda.
Ich syn Pavieł Razanovič pracavaŭ u adździele prymusovaha vykanańnia Leninskaha rajona Bresta.
I Luboŭ, i Siarhiej, i Pavieł Razanovičy taksama zatrymanyja pa kryminalnaj spravie, pa jakoj prachodzić Aŭtuchovič. Jany znachodziacca ŭ źniavoleńni ad 1 śniežnia.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary