Pružanski paet Mikoła Papieka na dopycie patrabavaŭ pierakładčyka na biełaruskuju
Prykładna ŭ 10:10 ranicy 3 śniežnia paśla troch sutak u izalatary vyjšaŭ na volu pružanski paet i pčalar Mikoła Papieka, piša Pieršy rehijon.
Telefona ŭ jaho pry sabie nie było, i tamu jon adrazu pa vychadzie ź izalatara Leninskaha RAUSa Bresta nakiravaŭsia da svajakoŭ. Tyja nabyli jamu kvitok na ciahnik da Arančycaŭ.
Na dopycie ŭ izalatary Mikoła Papieka nie śviedčyŭ suprać siabie na padstavie artykuła 27 Kanstytucyi Respubliki Biełaruś i patrabavaŭ, kab dakumienty śledčych byli aformleny pa-biełarusku:
«Ja ŭsio ž hetaha dabiŭsia. Bolš za toje, ja ŭbačyŭ tam pierakładčyka pierad saboj ź dziaržaŭnaha ŭniviersiteta. Nakolki jon maje prava być pierakładčykam, ja nie viedaju, ale, biassprečna, jon pavinien mieć licenziju. Akazałasia, što znajści pierakładčyka ŭ Breście — vialikaja składanaść», — paviedamiŭ paśla vyzvaleńnia sam Mikałaj Papieka.
Biełaruski paet, technik-pčalar ź vioski Linova Mikoła Papieka byŭ zatrymany 30 listapada ranicaj u siabie doma. Paźniej jon paviedamiŭ svajakam pra toje, što jaho viazuć u Brest. Znajšoŭsia paet u izalatary časovaha ŭtrymańnia Leninskaha RAUSa horada, i ŭtrymlivali jaho tam u ramkach «vadamiotnaj» spravy.
***
13 vieraśnia ŭ Breście adbyvałasia šeście ŭ znak pratestu suprać vynikaŭ prezidenckich vybaraŭ i hvałtu siłavikoŭ. Tady kałona demanstrantaŭ spyniłasia na pierakryžavańni praśpiekta Mašerava i bulvaraŭ.
Ruch transpartu ŭ tym rajonie zapavoliŭsia, i siłaviki vyrašyli zadziejničać vadamiot dla razhonu pratestoŭcaŭ.
Paźniej była zaviedziena kryminalnaja sprava pa hetym epizodzie (častka 1 artykuła 342 KK RB «Arhanizacyja i padrychtoŭka dziejańniaŭ, jakija hruba parušajuć hramadski paradak, albo ŭdzieł u ich»).
Pavodle pravaabaroncaŭ, pa dadzienaj spravie ŭ jakaści padazravanych prachodziać dziesiatki čałaviek.
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
-
Čamu na kanfierencyi «Novaja Biełaruś» nie było Siarhieja Cichanoŭskaha?
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary