Śpiavačka rodam ź Minska Ryta Dakota paviedamiła, što jaje staličny kancert projdzie nie 10 śniežnia, a tolki ŭ 2021 hodzie, piša Tut.by.
Vykanaŭca patłumačyła heta tak:
— Ja nie pryjedu ŭ Miensk nie tolki tamu, što pajedu z aeraporta adrazu ŭ «kancłahier» na Akreścina.
A ŭ pieršuju čarhu tamu, što nie chaču nivodnaha rubla prynosić u kaznu režymu. Patryvajcie troški. Chutka praśpiavajem ŭ novaj svabodnaj Biełarusi.
Ryta paabiacała, što da novaj daty kancerta padrychtuje «mahutnaje novaje muzło». Kvitki na pieraniesieny vystup zastajucca sapraŭdnymi.
Dakota aktyŭna vykazvajecca ab pratestach u krainie i nazyvaje siabie «apazicyjanieram». Adrazu paśla vybaraŭ śpiavačka vypuściła palityčny trek «Uchodi», hrošy ad spampoŭvańniaŭ jakoha pajšli na dapamohu achviaram pratestaŭ. A niadaŭna ŭ prahramie «Skažy Hardziejevaj» Ryta raspaviała pra namioki «źvierchu» ab admienie śniežańskaha kancerta ŭ biełaruskaj stalicy.
— Telefanavali majmu kancertnamu dyrektaru i kazali: «Vy razumiejecie, što kancert nie adbudziecca? Admianiajcie lepš sami». Ale my ničoha nie admianili. Ja vielmi vieru ŭ toje, što prylaču ŭ novuju, niezaležnuju, volnuju krainu i śpiaju dla svaich ludziej.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach66
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach6
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary