Ranicaj 4 listapada ŭ Stolinie vyjšaŭ na volu viadomy brescki krajaznaŭca, vypuskajučy redaktar haziety «Carkva» Ihar Baranoŭski, paviedamlaje «Bresckaja hazieta».
«Vialiki dziakuj žurnalistcy Ludmile Sielech za padtrymku ŭ sudzie, za pieradačy, za ŭvahu da majoj asoby, za materyjały, jakija čytali i ŭ Stolinie, i ŭ Bieraści. Užo na svabodzie, chutka sustreniemsia! Žyvie Biełaruś!» — skazaŭ Baranoŭski.
Ihara zatrymali ŭ Breście 4 kastryčnika. Na nastupny dzień vidavočcy zatrymańnia paviedamili redakcyi «BH» nastupnaje: «Jaho zabrali metanakiravana. Zatrymali kala 16-j hadziny na Savieckaj. Zabrali kahości jašče, ale jaho metanakiravana: tyja, chto tam byŭ, skazali, što milicejski načalnik mienavita na jaho pakazaŭ, jašče nazvaŭ jaho niepryhoža: «Voś hetaha…» Jon nie supraciŭlaŭsia, pajšoŭ».
Baranoŭskamu dali 15 sutak, potym jašče 15 sutak pa inšym epizodzie. Z 16 kastryčnika jon siadzieŭ u Stolinie.
Kamientary