«Mnie zyčyli śmierci, pa tysiačy paviedamleńniaŭ na dzień». Ad śpiecnazaŭca, jaki trapiŭ na viekapomnaje fota, syšła žonka
Viekapomny zdymak, na jakim u noč na 10 žniŭnia razhubleny siłavik staić nad biesprytomnym demanstrantam Jaŭhienam Zaičkinym, ablacieŭ uvieś śviet.
«Adpuści jaho, što ty robiš?!» — kryčać ludzi siłaviku, u jakim paśla paznali aficera ŭnutranych vojskaŭ Cimura Hryško. «Ja jaho adpuściŭ! Vy chutkuju vyklikajcie, debiły!» — kryčyć jon u adkaz.
Telehram-kanały vyrašyli, što Zaičkin pamior — heta akazałasia niapraŭdaj.
Tym nie mienš Cimur Hryško prasłaviŭsia na ŭsiu krainu. A ŭ siaredzinie vieraśnia, na piku ŭśviedamleńnia hramadstvam taho, što narabili siłavyja struktury, jaho žonka, fitnes-trenierka, čempijonka Biełarusi pa bodzibiłdynhu Lilija Salimharejeva padała na razvod.
20 kastryčnika adbyłosia kančatkovaje pasiadžeńnie suda. Paśla jaho Lilija Salimharejeva patłumačyła «Našaj Nivie» situacyju.
«Naša Niva»: Vy siońnia raźvialisia ci vyrašyli adkrucić situacyju nazad?
Lilija Salimharejeva: Siońnia byŭ sud, ja raźviałasia.
«Naša Niva»: Patłumačcie svaje matyvy, kali łaska.
Lilija Salimharejeva: Tamu što tak dahodna hramadstvu, tak budzie lepš dla mianie i dla jaho. Vielmi składana pieranosić takoje ckavańnie, mnie zyčyli śmierci, pa tysiačy paviedamleńniaŭ u dzień, pisali: «Kab ty padochła». Tak mnie budzie i lepiej, i biaśpiečniej.
«Naša Niva»: Pa vašym hołasie čutno, što vy rasstrojenyja situacyjaj. Za što vam zyčyli śmierci?
Lilija Salimharejeva: Byccam by heta ja chadžu [na vulicy] i stała vajennaj. A ludzi tak dumali. Spačatku ja rydała i haravała, a potym pačała adkazvać: «I vam tudy ž». Heta nienarmalna tak kazać! Ja ŭžo pisała, što vy pastupajecie hetak ža, jak «čyrvona-zialonyja», tolki dušycie maralna, a tyja — fizična. Ja stamiłasia. Dahetul mnie pišuć, vielmi ciažka heta ŭsio vynosić i ŭśviedamlać.
«Naša Niva»: Skažycie, kali b nie było žnivieńskaj situacyi, ci zachavaŭsia b vaš šlub? Ci ŭsio i tak išło da razvodu?
Lilija Salimharejeva: Kab u nas było ŭsio kiepska? Nie, ja takoha nie skažu. Napeŭna, razvodu b nie było.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy19
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary