«Jon prosta chacieŭ žyć u dobraj krainie». Pra demanstranta, jaki zahinuŭ na Puškinskaj, raskazaŭ jaho siabar
Raźvitańnie z Alaksandram Tarajkoŭskim, jaki zahinuŭ 10 žniŭnia na Puškinskaj, projdzie a 12:00 u subotu, 15 žniŭnia, na Alšeŭskaha, 12 (rytualnaja zała). Blizkija i siabry prosiać usich žycharoŭ Minska pryjści addać pašanu pamiaci čałavieku, jaki addaŭ žyćcio za naša prava hołasu. Pachavańnie adbudziecca na Zachodnich mohiłkach za Aziarcom.
Voś što Našaj Nivie raskazaŭ pra Tarajkoŭskaha jaho siabar.
«Saša vyjšaŭ na pratesty, bo jon byŭ nie zhodny z padlikam hałasoŭ na vybarach, z tym, što jaho hołas skrali. Jaho nie zadavalniała skockaje staŭleńnie ŭładaŭ da naroda, źbićci ludziej amapaŭcami. Jon chacieŭ žyć u dobraj krainie, chacieŭ, kab jaho dzieci žyli ŭ dobraj krainie, a nie ŭ fašyźmie. Ja razam ź im tady byŭ [na Puškinskaj], u paniadziełak. Tam było vielmi šmat mirnych ludziej. I kali pačalisia vybuchi, to ŭsie prosta kinulisia ŭ roznyja baki. I my zhubilisia», — raspaviadaje Dźmitryj.
Dźmitryj raspaviadaje, što Alaksandr byŭ ipešnikam, rabiŭ aŭtaštorki. Zajmaŭsia taksama ramontam bienza- i elektrainstrumientaŭ. Ruki ŭ čałavieka byli zdatnyja. Chacieŭ adkryć šviejnuju majsterniu. Pracavaŭ sam na siabie, spłačvaŭ padatki i byŭ sumlennym čałaviekam.
Na momant trahiedyi Alaksandr žyŭ hramadzianskim šlubam z Alenaj. U ich jość trochhadovaja dačka. U Aleny ad pieršaha šlubu taksama jość starejšaje dzicia. Zaraz Alena ź dziećmi zastałasia biez karmilca i faktyčna biez srodkaŭ dla dalejšaha isnavańnia, bo pracavała ŭ Alaksandra, dapamahała jamu ź biznesam.
Siamji Alaksandra Tarajkoŭskaha možna dapamahčy, pieraličyŭšy srodki na kartu:
9112 9800 3304 9007
10/22
ci na rachunak:BY42ALFA30145177440300270000
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki28
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary