U Babrujsku na vybarčych učastkach zatrymali troch niezaležnych naziralnikaŭ
Pavodle infarmacyi Babruysk.by, 5 žniŭnia ŭ Babrujsku zatrymali troch niezaležnych naziralnikaŭ. Pry hetym dvoje ź ich dahetul znachodziacca ŭ milicyi.
U 13.30 kala ŭčastku № 30 zatrymali Uładzimira Michałapa, potym na ŭčastku № 35 — Eduarda Hryniavieckaha, a na ŭčastku № 43 — Natallu Sajed.
Uładzimir Michałap znachodziŭsia kala škoły, u jakoj abstalavany vybarčy ŭčastak, a kali pasprabavaŭ zajści ŭ faje — staršynia vybarkama vyklikała milicyju. U vyniku aktyvista zatrymali nibyta za drobnaje chulihanstva i adpravili na sutki — 10 sutak jamu prysudzili za ŭdzieł u mirnym prateście 19 červienia.
Eduarda Hryniavieckaha zatrymali na nastupny dzień paśla taho, jak u razmovie sa staršynioj kamisii jon vymaviŭ: «Nam ža žyć z vami ŭ adnoj krainie». Za heta na jaho skłali pratakoł pa fakcie drobnaha chulihanstva i da suda jon budzie znachodzicca ŭ milicyi.
Naziralnik ad inicyjatyvy «Sumlennyja ludzi» Natalla Sajed atrymała pratakoł za niepadparadkavańnie słužbovaj asobie, kali znachodziłasia ŭ faje internata — na vybarčym učastku № 43. Jaje pasprabavali vystavić na vulicu, a potym vyklikali milicyju. Paviedamlajecca, što ŭ adździaleńni jaje abšukali, zabraŭšy telefon, a kali ŭ 21.30 adpuścili — telefon nie viarnuli.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary