Amierykanski mulsieryjał «Simpsany» bolš nie budzie vykarystoŭvać biełych akcioraŭ dla ahučvańnia piersanažaŭ inšaj rasavaj prynaležnaści, zajavili jaho stvaralniki, piša Bi-bi-si
Jany nieadnarazova padviarhalisia krytycy za toje, što bieły akcior Chenk Azaryja ahučvaŭ druharadny piersanaž na imia Apu — amierykanskaha indyjca, jaki vałodaje minimarkietam.
«U dalejšym u [sieryjale] «Simpsany» biełyja akciory nie buduć ahučvać niabiełych piersanažaŭ», — havorycca ŭ zajavie.
Z kanca maja va ŭsim śviecie prachodziać akcyi pratestu pad łozunham Black Lives Matter u suviazi z trahičnaj hibiellu afraamierykanca Džordža Fłojda ad ruk palicejskich.
Miž tym sam Chenk Azaryja, jaki ŭ sieryjale ahučvaje ceły šerah piersanažaŭ, jašče ŭ studzieni 2020 hoda zajaviŭ, što pierastanie ahučvać Apu.
«My pryjšli da hetaha rašeńnia razam… Usie my ź im zhodnyja. Usie my vierym, što tak budzie lepš, « - kazaŭ jon tady.
Stvaralnikaŭ multsieryjała, u pryvatnaści, krytykavali za toje, jak jany pakazvali Apu i jaho jarka vyražany indyjski akcent.
Azaryja tady zajaviŭ, što «ŭ asabistym i prafiesijnym płanie jamu vielmi kryŭdna, što chtości z-za Apu adčuŭ siabie izhojem».
Industryja šou-biznesu ŭ apošni čas trapiła pad ahoń krytyki za toje, što pradstaŭniki etničnych mienšaściaŭ u niedastatkovaj miery pradstaŭleny na ekranie.
Ciapier čytajuć
Syny «litoŭskaha špijona» adpravili Łukašenku list. Tym časam uspłyli novyja detali jaho spravy3
Kamientary