Stała viadomaj pryčyna, pa jakoj zabaranili śpiektakl «Siostry Hrym» u staličnym Teatry lalek
Śpiektakl pavodle kazak bratoŭ Hrym u režysury Jaŭhiena Karniaha nie pryniała adpaviednaja kamisija, paličyŭšy jaho nadta «čornym». Takoj infarmacyjaj padzialiłasia z Reform.news krynica z teatralnych kołaŭ.
Premjera pastanoŭki «Siostry Hrym» pavinna była adbycca ŭ novym siezonie staličnaha Teatra lalek, ale była admieniena.
«Kamisija, jakaja prymała śpiektakl, paličyła jaho «čornym» i nadta zmročnym, kab dać jamu «zialonaje śviatło», — raskazała krynica.
Pryčym toje, što novy śpiektakl — heta adnoŭlenaja viersija słynnaj i vielmi papularnaj pastanoŭki dla darosłych «Intervju ź viedźmami», jakaja išła na scenie teatra bolš za šeść hadoŭ, nikoha nie źbiantežyła.
Premjera «čornaj» kamiedyi pavinna była adbycca ŭ vieraśni. Ale litaralna za dzień premjery na sajcie teatra źjaviłasia paviedamleńnie, što śpiektakl admianiajecca pa «techničnych pryčynach». Pryčym byli źniatyja pa tych ža pryčynach i pakazy pastanoŭki ŭ kastryčniku. U afišu «Siostry Hrym» tak i nie viarnulisia.
Kamientary
Bo manapolija na čornaje ŭ dziaržavy.
(I na karyčnievaje).