Babaryka abiacaje jurydyčnuju i finansavuju padtrymku tym, kaho zvolniać, na kaho buduć cisnuć
Viktaru Babaryku nie pastupała prapanova ab premjerstvie z boku ŭładaŭ. «Heta nachabnaja chłuśnia», — skazaŭ bankir, patencyjny kandydat u prezidenty padčas anłajnu 30 maja.
Pa jaho słovach, takuju «prapanovu» jamu zrabiŭ adzin ź inšych alternatyŭnych kandydataŭ.
Babaryka zaklikaŭ usich vykonvać normy zakanadaŭstva, fiksavavać fakty parušeńniaŭ. A kali buduć zvalnieńni ci fakty cisku, to Babaryka abiacaje lubuju hramadskuju, jurydyčnuju ci finansavuju padtrymku.
Palityk taksama skazaŭ, što na nastupnym tydni płanuje naviedać Homiel, Mahiloŭ i Viciebsk. Praz tydzień — Brest i Hrodna. Miarkujecca naviedvańnie bujnych rajcentraŭ.
«Pierakonvać u tym, što ja prarasijski ci nie prarasijski, sensu niama, — skazaŭ jon. — Hałoŭnaje — pierakonvać, što jość alternatyva. Važna, kab vybary prajšli sumlenna».
«My nie čakali, što pravakacyi buduć takija rannija i takija cyničnyja», — prakamientavaŭ jon padziei apošnich dzion.
«Prafiesijnaja acenka nie zaležyć ad hiendaru. Kali niechta zajaŭlaje, što žančyna nie moža być prezidentam, heta aburalnaja dyskryminacyja i patrabuje reakcyi», — prakamientavaŭ Babaryka ŭčorašniuju zajavu Łukašenki, što žančyna nie moža być prezidentam.
Babaryka zaklikaje taksama danosić praŭdzivuju infarmacyju pra karanavirus. «Niajasnaja pazicyja pa raskryćci praŭdy važniejšaja za domysły». «Nie dumaju, što ŭ nas strašniejšaja situacyja, čym u niekatorych inšych krainach, ale važna apieratyŭna i praŭdziva infarmavać».
«Kali vy nie pajšli na vybary — vy prahałasavali «za» — adkazaŭ jon na pytańnie, ci słušna iści na vybary.
Babaryka zhodny abjadnacca ź inšymi kandydatami, kali jość ahulnaja meta.
«Kab byŭ Šahał, treba, kab niechta jamu dapamahaŭ, kab niechta dapamahaŭ tvorcam», — miarkuje jon.
«Ja vielmi chaču žyć u krainie, jakoj ja budu hanarycca. I kab jana isnavała, jak asobnaja niezaležnaja dziaržava. Ja chaču, kab maje ŭnuki žyli ŭ hetaj krainie. Kab jany hanarylisia, što žyvuć tut».
Babaryka skazaŭ, što jamu padabajucca knihi takoha kštałtu, jak «Vaładar piarścionkaŭ». «Tam jość dobraja fraza: «My nie vybirajem čas, a my vybirajem šlach, jak žyć u hetym časie», — skazaŭ jon.
«Kiraŭnik krainy pavinien vałodać dziaržaŭnymi movami i viedać choć adnu movu mižnarodnaj kamunikacyi», — adkazaŭ jon, pažartavaŭšy, što viedaje, ale nie daskanała, ruskuju, krychu horš biełaruskuju, a jašče horš anhlijskuju.
Jaho nie zachaplaje brazhańnie zbrojaj i załatymi pistaletami ź vialikimi furažkami. «Nie paradam adzinym pavinna žyć kraina. Tym bolš u takija časy, kali jość niebiaśpieka». Babaryku bolš padabajecca, jak ušanoŭvajecca pamiać vajny ŭ zachodnich krainach.
Prykładam histaryčnaj asoby jon ličyć Uinstana Čerčyla.
«Ja pastajanna žyŭ ź ludźmi, jakija pra mianie kłapacilisia. Spačatku baćki, potym maja žonka. Zaraz niama kamu pra mianie kłapacicca».
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»9
Kamientary