Babaryka, Cichanoŭski, Łukašenka — apytanki ŭ internecie pakazvajuć niečakanyja vyniki
Viadučyja biełaruskija ŚMI i telehram-kanały, nie zhavorvajučysia, zapuścili apytanki dla aŭdytoryi. Farmuloŭki roznyja, ale pasył adnolkavy: za kaho b siarod mahčymych kandydataŭ u prezidenty vy prahałasavali.
Važna adznačyć, što hetyja apytanki nielha razhladać jak sacyjałahičnyja daśledavańni, tamu što jany adlustroŭvajuć mierkavańnie tolki čytačoŭ kankretnaha resursu.
***
Na «Našaj Nivie» pa stanie na 22.00 prahałasavała bolš za 7500 čałaviek.
Vyniki takija:
- Viktar Babaryka — 47%
- Siarhiej Cichanoŭski — 15%
- Valeryj Capkała — 8%
- Aleś Tabolič — 3%
- Hanna Kanapackaja — 3%
- Alaksandr Łukašenka — 3%
Andrej Dźmitryjeŭ, Aleh Hajdukievič i Siarhiej Čeračań atrymali mienš za 1%.
12% nie viedajuć albo nie pojduć. 8% čakajuć inšaha kandydata.
Varta adznačyć, što «Naša Niva» sutyknułasia z šalonaj nakrutkaj na karyść Aleha Hajdukieviča. U nas z hetym stroha. My vydalili ŭsie hałasy, padadzienyja za Aleha Hajdukieviča ad momantu pačatku nakrutki, i jon viarnuŭsia na miesca ŭ samym nizie, jakoje jon dzielić z Andrejem Dźmitryjevym.
Apytanka
***
Na partale Tut.by pa stanie na 22:30 prahałasavali 25 tysiač čałaviek.
- Viktar Babaryka — 55%
- Śviatłana Cichanoŭskaja — 15%
- Valeryj Capkała — 13%
- Alaksandr Łukašenka — 6%
- Hanna Kanapackaja — 4%
- Aleh Hajdukievič — 1%
- Aleś Tabolič — 1%
Astatnija nabrali mienš za 1%.
***
U telehram-kanale Arcioma Šrajbmana prahałasavali 8750 čałaviek. 17% nie abrali kandydata. Astatnija hałasy raźmierkavalisia tak:
- Viktar Babaryka — 43%
- Valeryj Capkała — 13%
- Siarhiej Cichanoŭski — 9%
- Alaksandr Łukašenka — 3%
- Hanna Kanapackaja — 2%
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary