Pahladzicie, u jakim domie žyvie Viktar Babaryka ŠMAT FOTA
Pretendent na prezidenckuju pasadu, eks-staršynia praŭleńnia Biełhazprambanka žyvie ŭ vioscy Mačany Łahojskaha rajona, niepadalok ad Astrašyckaha haradka. Hety adras jon pakinuŭ pry rehistracyi inicyjatyŭnaj hrupy ŭ Centrvybarkamie.
Zrešty, tut žyvie nie tolki Babaryka, ahułam hetaje miesca la Viačy viadomaje jak bankirski pasiołak.
«Naša Niva» znajšła dom, u jakim žyvie pretendent na prezidenckuju pasadu. Praŭda, nieruchomaść aformlena na syna Eduarda. Jana dastałasia jamu ŭ spadčynu paśla trahičnaj śmierci maci.
Pałac, jaki ŭpryhožvaje łatyfundyju hihanckaj płoščaj 1,6 hiektara, znachodzicca la samaha lesu. Z unutranaha boku płotam słužać sami drevy, heta krajni budynak na vulicy.
Płošča žyłoha doma — 871 kvadratny mietr, unutrany dvoryk schavany ad vačej.
Ekśpierty pa nieruchomaści naŭskidku kažuć, što taki dom moža kaštavać kala $1,5 miljona. Zrešty, Babaryka nikoli nie chavaŭ taho, što jon zamožny čałaviek.
Dvor achoŭvajuć zvyčajnyja dvarniaki. Niechta moža mierkavać, što dabiermany ci ratviejlery ŭpisalisia b u taki fon bolš prestyžna, ale vyhladaje, što nie dla ŭsich miljanieraŭ elitnyja parody majuć značeńnie.
Kali reparciory «Našaj Nivy» fatahrafavali dom, kiroŭca jakraz pryvioz Viktara Babaryku. Toj admoviŭsia ad kamientaroŭ.
Voś fota, na jakim možna suadnieści masštaby doma na fonie mašyny. Pad dacham vidać vonkavuju padśvietku.
Trochu ŭ bok ad asnoŭnaha doma staić jašče adzin budynak. Pa architektury možna vykazać hipotezu, što častku jaho zajmaje niejki dendraryj, ale dakładna my nie viedajem.
Praz darohu ad asnoŭnaj terytoryi, amal la vady, staić, imavierna, łaźnia.
Admietna, što hety ŭčastak zarehistravany ŭžo na samoha Viktara.
Tenisnych kortaŭ, spartovych placovak ci čahości padobnaha nie vidać ni z vulicy, ni sa spadarožnika. Terytoryja prosta zasadžanaja dekaratyŭnymi jalinkami.
Apytanka
Chto z palitviaźniaŭ vyjšaŭ na svabodu 16 vieraśnia POŬNY ŚPIS23
Kamientary