BPS-Śbierbank prapanavaŭ biznesu da kanca maja biaspłatna pravieryć kontrahientaŭ. Pa nulavym taryfie bank vykanaje da 5 zapytaŭ pa jurydyčnych asobach i indyvidualnych pradprymalnikach, zarehistravanych u Biełarusi.
Karystacca servisam biaspłatna možna ŭ internet-banku da 31 maja ŭklučna. Krychu paźniej jon stanie dastupny i ŭ mabilnaj viersii. Miechanika prostaja: treba ŭvieści UNP i nazvu kontrahienta, a ŭsio astatniaje zrobić sistema. Vyniki pravierki buduć zhienieravanyja na praciahu niekalkich chvilin i pradstaŭlenyja ŭ zručnym farmacie.
Biaspłatny dostup da «Pravierki kontrahientaŭ» adkryty dla ŭsich, chto maje raźlikovy rachunak u BPS-Śbierbanku. Vykarystoŭvać servis paśla 31 maja zmohuć uładalniki pakietaŭ raźlikova-kasavaha absłuhoŭvańnia «Dobryja prodažy», «Aktyŭnyja raźliki-2» i «Vialikija mahčymaści».
U banku tłumačać, što vyrašyli zapuścić servis ź biaspłatnym pieryjadam na fonie asablivaściaŭ viadzieńnia biznesu padčas pandemii. U hety pieryjad košt pamyłki moža być asabliva vysokaj, što zmušaje prajaŭlać aściarožnaść u adnosinach da novych biznes-kantaktaŭ. Dadzienyja abstaviny stanoviacca abjektyŭnymi pieradumovami dla starannaha vybaru partniora pa ździełcy. Servis adkryvaje dostup da infarmacyi, jakaja moža być vykarystana dla pryniaćcia ŭzvažanaha rašeńnia.
«Pravierka kontrahienta» dazvalaje atrymać źviestki ab isnujučych ci patencyjnych biznes-partniorach. Tak, sistema padaje źviestki ab rehistracyi i miescy znachodžańnia jurydyčnaj asoby abo indyvidualnaha pradprymalnika, sudovuju historyju, finansavuju spravazdaču, a taksama źviestki ab udziele ŭ dziaržzakupkach, zapazyčanaści pierad biudžetam i najaŭnaści licenzij.
Kamientary