Biełaruskija pahraničniki: Nadziavajem maski pry praviercy rejsaŭ z Kitaja
Čytačy «Našaj Nivy» zaŭvažyli ŭ minskim aeraporcie pahraničnikaŭ u maskach. Heta vyklikana kitajskim karonavirusam?
Aficyjny pradstaŭnik Pahraničnaj słužby Anton Byčkoŭski patłumačyŭ «Našaj Nivie», što isnuje pieralik krain ź niadobraj sanitarna-epidemijałahičnaj situacyjaj, kudy dniami trapiŭ i Kitaj.
Ciapier pry rabocie z pasažyrami z rejsaŭ z hetaj krainy pahraničniki musiać karystacca pialčatkami i reśpiratornymi maskami.
«Pahraničniki nadajuć uvahu ludziam, jakija majuć prykmiety infiekcyjnych chvarob, naprykład, čyrvonyja vočy. Miedyki sanitarna-karancinnaha punktu ŭ aeraporcie karystajucca ciepłavizaram, kab zaŭvažyć ludziej z pavyšanaj tempieraturaj. Takich ludziej musiać vyvodzić z natoŭpu. Ale pakul vypadkaŭ, kali było b padazreńnie na karonavirus, nie zafiksavana», — patłumačyŭ Byčkoŭski.
Kamientary