Chałodnyja i mokryja vosieńskija viečary isnujuć dla taho, kab z asałodaj pravieści ich u zale teatra. Hladzicie, na jakija śpiektakli RTBD možna schadzić u kastryčniku.
1 kastryčnika (aŭt), 19:00
Pakuty ad zdarovaha sensu (16+)
Žanr: kamičnaja prypavieść
Praciahłaść: 2 h. 30 chv.
Maci, baćka, susiedzi i siabry sprabujuć naładzić asabistaje žyćcio 29-hadovaj intelihientnaj nastaŭnicy Aliny. Znajomaja situacyja? Tady ŭ teatr!
2 kastryčnika (sr), 19:00
Karjera doktara Rausa, pavodle Marcinoviča (16+)
Žanr: histaryčna niedakładnaja trahikamiedyja
Aŭtar: Viktar Marcinovič
Režysior-pastanoŭščyk: Alaksandr Harcujeŭ
Praciahłaść: 2 h. 40 chv.
Ci šmat vy viedajecie pra Skarynu? Viktar Marcinovič i Alaksandar Harcujeŭ raskazali poŭnuju pryhod historuju pra «kankretnaha mažora, jaki vučyŭsia nie ŭ Połacku, a za miažoj». A kab hledaču było cikaviej, dadali ŭ realii XVI stahodździa sučasnych farbaŭ: tut Skarynu supravadžajuć łaziernaja ŭkazka, mabilny telefon i navat šklanki dla harbaty ŭ ciahnikach.
«Karjera doktara Rausa» — heta, u pieršuju čarhu, pra čałavieka, a ŭžo potym pra aśvietnika i pieršadrukara. Biezumoŭna, pohlad subjektyŭny. A jakim vy ŭjaŭlali Skarynu, kali čytali pra jaho ŭ padručnikach pa historyi i litaratury?
3 kastryčnika (čc), 19:00
Dzied (12+)
Žanr: trahikamiedyja
Aŭtar: Viačasłaŭ Panin
Režysior-pastanoŭščyk: Dzianis Paršyn
Praciahłaść: 1 h. 30 chv., biez antrakta
«Dzied» — heta pohlad na sučasnyja siemji, dzie maładziejšyja pakaleńni za ŭłasnymi prablemami časam zabyvajuć pra svaich stareńkich svajakoŭ, vymušanych dažyvać adviedzieny im čas dzieści za pieraharodkaj.
4 kastryčnika (pt), 19:00
Adamavy žarty (16+)
Žanr: kamiedyja
Aŭtar i režysior: Śviatłana Navumienka
Praciahłaść: 1 h. 50 chv., z antraktam
Saŭka i Marysia — vydatnyja muž i žonka, šmat u čym nahadvajuć biblejskich Adama i Jevu. Jany maładyja, pryhožyja i vielmi pracavityja. Žyvuć u lubovi i zhodzie, staranna viaduć chatniuju haspadarku. Ale adkul ni vaźmisia da ich zajaŭlajecca Čort…
U śpiektakli pieraplatajecca realnaje i fantastyčnaje, sapraŭdnaje i karykaturnaje, sučasnaje i staražytnaje. Šmat muzyki, płastyki i, viadoma, žartaŭ.
11 kastryčnika (pt), 19:00
Mudramier (16+)
Žanr: satyryčnaja kamiedyja
Režysior: Alaksandr Harcujeŭ
Praciahłaść: 2 h., z antraktam
Vynachodnik-samavučka Muraška prydumlaje aparat, jaki vyznačaje stupień čałaviečaj mudraści. U sprobach zapuścić mudramier u sieryjnuju vytvorčaść vynachodca źviartajecca ŭ Ministerstva ŭzhadnieńnia. Voś tut i pačynajecca samaje cikavaje…
15 kastryčnika (aŭt), 19:00
Bieton (18+)
Žanr: vizualnaja paezija
Aŭtar idei i režysior: Jaŭhien Karniah
Śpiektakl zrobleny pavodle mifu ab Arfiei, kožnaja častka śpiektakla nazvana ŭ honar peŭnaha epizoda, ale skraznaja historyja nie takaja važnaja, aproč taho, što jana pra śmierć i pra adčuvańnie siabie čužym siarod inšych ludziej. U śpiektakli cudoŭnaje afarmleńnie: roŭnaja bietonnaja ściana, jakaja ciaham śpiektakla akazvajecca napoŭnienaj samymi raznastajnymi sakretami i siurpryzami. Niečym heta nahadvaje naša žyćcio ŭ bietonnych mikrarajonach, dzie ŭ bietonnych błokach pachavanaje tajemnaja strakataje žyćcio. U niejkaj stupieni mienavita heta i jość našym Aidam, kudy spuskajecca artyst, režysior pa sapraŭdnuju emocyju dla svajho mastactva. Što praŭda, u Arfieja takoj emocyjaj zrabiłasia śmierć i tvaryć paśla hetaha jon užo nie daŭ rady.
17 kastryčnika (čc), 19:00
Sindrom Miedei (18+)
Žanr: trahiedyja
Aŭtar: Julija Čarniaŭskaja
Režysior-pastanoŭščyk: Kaciaryna Avierkava
Praciahłaść: 2 h. 30 chv., z antraktam
Śpiektakl pra žančynu, prydumany žančynaj-dramaturham i pastaŭleny žančynaj-režysioram. Julija Čarniaŭskaja naŭrad ci mieła toje na ŭvazie, kali pisała sučasnuju viersiju kłasičnaj Miedei, ale paraleli pamiž trahičnym mifam i sučasnaściu zdajucca nievypadkovymi. Sprava navat nie ŭ tym, što sučasnaja Miedeja vykidvaje svaich dzietak z voknaŭ šmatpaviarchovika… Absalutna da miesca akazvajecca, što Medeja, pa sutnaści, imihrantka, staražytny chor vyhladaje padobnym na sučasnyja forumy i fejsbuk, i samaje hałoŭnaje: zaležnaje ad mužčyny miesca žančyny ŭ hramadstvie stanovicca siužetastvaralnym. Kali tak šmat zaležyć ad mužčyny, što rabić, kali pakłaścisia na jaho nielha? Akazvajecca, rabić niama čaho…
19 kastryčnika (sb), 14:00
Załatoje sercajka (6+)
Žanr: interaktyŭnaja kazka dla dziaciej i ich baćkoŭ
Aŭtar i režysior-pastanoŭščyk: Śviatłana Navumienka
Praciahłaść: 1 h. 10 chv.
Zachaplalnaja historyja pra chitruju Lisu i niakiemlivaha Voŭka, jakija pavadzilisia razam spustašać kuratniki. Adnojčy skrali jany załatoje jajka, bo byli ŭpeŭnieny, što ź jaho źjavicca cuda-kuryca i budzie nieści im załatyja jajki. Ale štości pajšło nie tak…
22 kastryčnika (aŭt), 19:00
Palavańnie na siabie (16+)
Žanr: nie kamiedyja
Aŭtar: Alaksandr Vampiłaŭ (pa matyvach pjesy «Utinaja ochota»)
Režysior: Stas Žyrkoŭ (Ukraina)
Žyŭ-byŭ čałaviek z proźviščam Ziłaŭ. Zvyčajny čałaviek sa zvyčajnym proźviščam. I była ŭ jaho zvyčajnaja žonka. Jak raptam… jon atrymaŭ kvateru! Zdavałasia b, usio ŭ jaho pavinna być dobra. Ale jon akazvajecca zamuravany ŭ łabiryncie ŭłasnaj śviadomaści. A ŭ łabiryncie hetym šmat kvest-pakojaŭ, dzie jaho čakajuć žonka, paluboŭnica, siabry. Z kožnym krokam Ziłaŭ zabłytvajecca ŭsio bolš. Ci znojdzie jon vychad?
Śpiektakl «Palavańnie na siabie» pra tych, chto ličyć siabie darosłym, a na spravie akazvajecca dziciom, jakoje ŭpieršyniu patrapiła ŭ taki kvest-pakoj ułasnaha žyćcia.
Što heta budzie? Humar, humar, humar i jašče raz humar, tolki śmiechu budzie stanavicca nie bolš, a mienš. Bo nie zaŭsiody čałaviek śmiajecca tady, kali choča.
23 kastryčnika (sr), 19:00
Partret (16+)
Žanr: trahifars
Aŭtar insceniroŭki: Śviatłana Navumienka
Režysior-pastanoŭščyk: Alaksandr Harcujeŭ
Praciahłaść: 1 h. 20 chv.
Fantasmaharyčnaja, mistyčnaja, hratesknaja historyja mastaka (Čartkova) i jaho žyćciovaha vybaru.
Kožny tvorčy čałaviek chacia b adnojčy ŭ žyćci sutykaŭsia ź niaprostym vybaram: pryśviacić svajo žyćcio tamu, dla čaho ty byŭ narodžany, raskryćciu svajho talentu i słužeńniu vysokamu, albo paddacca spakusie bahaćcia i ŭciech.
U śpiektakli hladač pabačyć praces pryniaćcia hetaha vybaru, i čamu ŭsio adbyvajecca tak ci inakš. Mistyka? Budzie. Intryha? Jašče jakaja. Napružańnie? Chapaje.
25 kastryčnika (pt), 19:00
Lift (16+)
Žanr: chronika adnaho złačynstva
Aŭtar: Julija Čarniaŭskaja
Režysior-pastanoŭščyk: Halina Čarnabajeva
Praciahłaść: 1 h. 40 chv., biez antrakta
«Źniavolenyja» liftam, vykładčyca fiłasofii Hanna Mikałajeŭna i rabaŭnik Dymon vymušany razmaŭlać pamiž saboj. Jana — pryhožaja i razumnaja, nie znachodzić parazumieńnia ni z synam, ni z mužam, i Dymon — adnahodak jaje syna — ź dziacinstva pakryŭdžany losam.
29 kastryčnika (ndz), 19:00
Siroža (16+)
Žanr: žyćcio ŭ dźviuch epochach
Aŭtar: Julija Čarniaŭskaja
Režysior-pastanoŭščyk: Alaksandr Harcujeŭ
Praciahłaść: 3 h. 30 chv., z antraktam
Julija Čarniaŭskaja: «Siroža» — heta historyja pra junactva maich adnahodkaŭ — i pra ich stałaść. Pra hanieńnie i pomstu. Pra toje, jak učynki ludziej, zroblenyja ŭ maładości pa duraści, nieprykmietna stanoviacca nitkami losu, a drobiazi tkuć niepapraŭnaść budučyni. I hałoŭnaje — pra toje, jak nieabchodna prabačeńnie. Heta razumieńnie taho, čamu hałoŭny hieroj staŭ tym, kim staŭ».
30 kastryčnika (sr), 19:00
Bilet na brescki ciahnik (16+)
Aŭtar: Vital Karaloŭ
Režysior-pastanoŭščyk: Alaksandr Harcujeŭ
Praciahłaść: 1h. 30chv.
Vadzim — zvyčajny sučasny małady biełarus. Jon šukaje svajo miesca ŭ žyćci, žyvie z adčuvańniem, što ŭsio najlepšaje adbudziecca ź im nie tut i nie zaraz, a tolki za miažoj, naprykład, u Maskvie. Tam jaho čakaje prestyžnaja praca, sapraŭdnaje kachańnie i šmat nadziej na lepšaje žyćcio. Zdajecca, voś jano — ździajśnieńnie ŭsich jaho maraŭ! Adnak usio akazvajecca zusim nie tak, jak jon maluje ŭ svaich fantazijach…
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy20
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary