Mitrapalit Pavieł inicyjavaŭ maštabnuju pravierku Bractva śviatych vilenskich pakutnikaŭ — astraŭka biełaruskaści ŭ BPC
U žniŭni śpiecyjalnaja kamisija pačała pravierku dziejnaści Bractva śviatych vilenskich pakutnikaŭ, jakoje ŭznačalvaje Mikoła Matrunčyk. Bractva paŭstała ŭ pačatku 1990-ch hadoŭ i abjadnała pad svaim kryłom tych ludziej u pravasłaŭnaj carkvie, jakim darahaja biełaruskaja mova i słova.
Dziejnaść bractva ŭsialak padtrymlivaŭ mitrapalit Fiłaret.
«Fiłaret dobra staviŭsia da biełaruskaj spravy. My ŭzhadniali ź im svaje płany, jon davaŭ nam šmat paradaŭ pa mižnarodnaj linii, kali nam nie chapała svajho dośviedu», — raskazvaje spadar Matrunčyk.
Bractva vilenskich pakutnikaŭ było prymacavanaje da Pietrapaŭłaŭskaha sabora ŭ Minsku. Mienavita tam u svoj čas źjavilisia pieršyja liturhii na biełaruskaj movie, jakija pravodziŭ ajciec Hieorhij Łatuška. Šmat namahańniaŭ bractva ŭkładvała ŭ pierakłady pravasłaŭnaj litaratury, liturhii, Novaha zapavieta na biełaruskuju movu. Heta byŭ taki astravok biełaruskaści ŭ BPC.
Mikoła Matrunčyk kaža, što situacyja mocna źmianiłasia paśla prychodu mitrapalita Paŭła, jaki na praciahu ŭsiaho svajho terminu znachodžańnia ŭ Biełarusi nijak nie źviartaŭ uvahu na dziejnaść bractva. «Kali śviatkavali 25-hodździe bractva, to dumali, što mitrapalit niejak pahladzić u naš bok, ale nie, jon byŭ zaniaty inšymi spravami», — kaža spadar Matrunčyk.
Va ŭłasnaści bractva majecca i nieruchomaść, u ichnim rasparadžeńni jość dom «Kinanija» ŭ Kałodziščach.
Mienavita tam prachodziać biełaruskamoŭnyja pravasłaŭnyja imprezy, roznyja treninhi, sustrečy. Isnuje viersija, kiraŭnictva carkvy paličyła, što ŭ bractva isnuje zašmat samastojnaści, tamu i była inicyjavanaja pravierka.
«Naša bractva jak niejkaje bialmo ŭ voku dla kahości, pastajanna čahości patrabujuć biełaruskaha, jakoha navat u hramadstvie niama, a što kazać pra carkvu. A my to adzin zvarot napišam, to inšy. Prasili ŭšanoŭvać bolš hodna biełaruskich śviatych, kab jany stali nacyjatvorčym čyńnikam», — raskazvaje Matrunčyk.
Jak rastłumačyŭ sam mitrapalit Pavieł, idzie pravierka tych strukturaŭ, jakija znachodziacca ŭ miežach mitrapolii. Spadar Matrunčyk kaža, što da hetaj pravierki rychtavalisia doŭha. Usiaho ŭ śpisie na pravierku kala 40 punktaŭ. Pravierka była zavieršana jašče 15 žniŭnia, a jaje vyniki pavinny byli być ahučanyja jašče 20 žniŭnia, ale ich usio jašče niama.
Bractva vilenskich pakutnikaŭ maje šmatlikija mižnarodnyja suviazi i finansava zaŭsiody było niezaležnym ad mitrapolii.
Pres-sakratar BPC Sierhij Lepin skazaŭ «Našaj Nivie», što pravierki byvajuć u kožnaj struktury, u tym liku ŭnutry BPC, jon nie raić šukać u hetaj situacyi niešta nadzvyčajnaje. Kali buduć vyniki pravierki, ajciec Sierhij pakul nie moža skazać.
Mikoła Matrunčyk — mahistr fiłasofii, historyk, publicyst, hramadski i carkoŭny dziejač.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB9
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2929
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»29
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary