Daradca Trampa paćvierdziŭ cikavaść svajho prezidenta da kupli Hrenłandyi: «Situacyja raźvivajecca»
Donald Tramp cikavicca mahčymaściu nabyćcia Złučanymi Štatami Hrenłandyi, paćvierdziŭ u niadzielu ŭ efiry telekanała Fox News kiraŭnik Nacyjanalnaha ekanamičnaha savieta Biełaha doma Łoŭrens Kadłou.
U čaćvier hazieta The Wall Street Journal paviedamiła sa spasyłkaj na krynicy, što Tramp cikaviŭsia ŭ daradcaŭ, ci mohuć ZŠA kupić Hrenłandyju. Krynicy adznačali, što niama jasnaści adnosna taho, surjozna abo nie stavicca da hetaha kiraŭnik Biełaha doma. Niekatoryja ź ich kanstatavali, što Tramp, vierahodna, žartavaŭ.
«Situacyja raźvivajecca. My heta razhladajem», — cytuje TASS słovy Łouriensa Kadłou. «Šmat hadoŭ tamu Hary Trumen (33-ci prezident ZŠA. — Zaŭvaha. TASS) chacieŭ kupić Hrenłandyju. Hrenłandyja naležyć Danii. Danija źjaŭlajecca sajuźnikam. Hrenłandyja važnaja sa stratehičnaha punktu hledžańnia. Tam šmat kaštoŭnych minieralnych resursaŭ», — dadaŭ daradca Trampa.
«Ja nie chaču ciapier vystupać z prahnozami. Ja prosta adznačaju, što prezident, jaki sioje-toje razumieje ŭ nabyćci nieruchomaści, choča aznajomicca z mahčymaściu nabyćcia Hrenłandyi», — skazaŭ Kadłou.
Aficyjnyja pradstaŭniki ŭładaŭ Hrenłandyi ŭ śviatle publikacyi The Wall Street Journal zajavili, što terytoryja zacikaŭlena ŭ supracoŭnictvie z ZŠA, ale nie pradajecca. Płanujecca, što Tramp na pačatku vieraśnia naviedaje Daniju.
Tramp zahareŭsia idejaj kupić Hrenłandyju
Ułady Hrenłandyi adkazali na ideju Trampa: My nie pradajemsia
Čamu žadańnie Trampa kupić Hrenłandyju niebiaśpiečnaje dla Biełarusi
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary