Mazyrski rybak Michaił Micura ŭ vychodnyja na race prosta ŭ horadzie złaviŭ vializnaha soma. Daŭžynia ryby — 210 sm, piša Tut.by.
U niadzielu ranicaj Michaił adpraviŭsia na Prypiać parybačyć. Uziaŭ łodku, zakinuŭ śpininh z prynadaj i staŭ spłaŭlacca pa płyni z kvokam. Nieŭzabavie na inšym kancy loski adkazali.
— Kali jon schapiŭ, ja zrazumieŭ, što budzie bujny, ale što taki-i-i! — da hetaha času emacyjny rybak. — Jak pačaŭ mianie ciahać pa race! A potym ja jaho ŭźniaŭ, ubačyŭ, jaki jon vielizarny, — u mianie až nohi zatreślisia. Heta taki adrenalin!
Pa słovach Michaiła, baraćba z rybaj praciahvałasia prykładna paŭhadziny. Zatym mužčyna pryniaŭ rašeńnie ciahnuć soma da bieraha.
— Vyciahnuŭ i tut ža pavaliŭsia pobač ź im, — uspaminaje niaprostuju rybałku mazyrčuk.
Soma pamierali rybaki — jaho daŭžynia skłała 210 sm. A voś uzvažyć ułoŭ nie ŭdałosia. Ale, jak miarkujuć vopytnyja rybaki, vaha ryby budzie nie mienšaj za 60 kh. Za apošni čas tut nie pryhadvajuć bujniejšaha trafieja.
U žniŭni minułaha hoda ŭ Viciebsku ŭ Dźvinie vyłavili soma vahoj 48 kiłahramaŭ.
A niekalki hadoŭ tamu Alaksandr Łukašenka raspavioŭ ab tym, što adnojčy na Prypiaci złaviŭ 57-kiłahramovaha soma.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary