Z Zamiatalinym raźvitalisia biez asablivaj pašany FOTY
Raźvitańnie z byłym hałoŭnym ideołaham krainy Uładzimiram Zamiatalinym (jon pamior 7 lipienia va ŭzroście 71 hoda) prajšło ŭ rytualnaj zale na vulicy Alšeŭskaha. Vybar miesca taksama kaža pra mnohaje. Naprykład, z byłym kiraŭnikom BSSR Mikałajem Dziemianciejem raźvitvalisia ŭ Domie aficeraŭ u samym centry horada, z eks-ministram finansaŭ Andrejem Charkaŭcom — u kancertnaj zale «Minsk».
Adznačym, što pra śmierć kolišniaha top-čynoŭnika nie napisali sajty BiełTA i «SB». Hałoŭnyja dziaržaŭnyja ŚMI čamuści zmaŭčali pra Zamiatalina.
Nie było spačuvańniaŭ i ad kiraŭnika dziaržavy. Zrešty, apošniamu nie treba ździŭlacca. Łukašenka čaściej vykazvaje svoj smutak z nahody śmierci rasijskich zorak pop-muzyki i kino, čym ludziam, jakija kaliści byli jahonaj kamandaj.
Ale dziaržava ŭsio ž prysutničała na pachavańni. Košyk z kvietkami ad imia Administracyi prezidenta, dzie ŭ svoj čas papracavaŭ niabožčyk, prynios pieršy namieśnik kiraŭnika Maksim Ryžankoŭ. Pahavaryć pra niabožčyka jon naadrez admoviŭsia.
Nie było šmat i tych ludziej, ź jakimi kaliści Zamiatalin pracavaŭ u kiraŭnictvie krainy. Pryjšoŭ tolki słavuty Ivan Ciciankoŭ, toj samy, jaki kaliści razryvaŭ bieł-čyrvona-bieły ściah na dachu Administracyi prezidenta.
Byŭ taksama kolišni ministr pryrodnych resursaŭ Lavoncij Charužyk. Šmat ludziej pryjšło sa śvietu kino, usio ž apošniaj značnaj pasadaj Zamiatalina było hiendyrektarstva na «Biełaruśfilmie». Naprykład, kvietki prynios viadomy režysior Alaksandr Jafremaŭ.
Ahułam niekalki dziasiatkaŭ čałaviek pravodzili Zamiatalina ŭ apošni šlach. Pachavali ideołaha na Uschodnich mohiłkach, samych prestyžnych u Minsku.
Hł. taksama: Zamiatalina pachavali na Centralnaj alei Uschodnich mohiłak FOTAFAKT
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1515
Kamientary