Cyhanski baron Mahilova: Pad vartaj ciapier kala sotni čałaviek
Leanid Kazimiraŭ, jaki vykonvaje funkcyi cyhanskaha barona ŭ Mahilovie, prakamientavaŭ «Našaj Nivie» situacyju z dyjasparaj.
Kazimiraŭ kaža, što baron — jaho starejšy brat. Ale toj ciapier u Minsku ŭ balnicy, tamu funkcyi barona vykonvaje pakul Leanid.
«Ja byŭ u milicyi tolki što. Mianie nie zatrymlivali, zaprasili, kab ja pryjechaŭ pahavaryć. Milicyja kaža, što ŭ paviedamleńni supracoŭnika DAI było ŭkazana, što heta zrabili cyhany. Ale heta na dadzieny momant ničym nie paćviardžajecca, — kaža Leanid Kazimiraŭ. — Ja ciapier budu źbirać ludziej, vyśviatlać, ci chtości štości viedaje, chto čym moža dapamahčy.
Praz paru hadzin pajedu iznoŭ u milicyju razmaŭlać. Unačy razmaŭlaŭ ź milicejskim načalstvam, tut byŭ namieśnik ministra ŭnutranych spraŭ. Ja paabiacaŭ maksimalna dapamahčy».
Kazimiraŭ paćvierdziŭ, što zatrymańni nočču byli.
«Ahułam ciapier pad vartaj kala sotni čałaviek, ale ich dapytvajuć i adpuskajuć. Ja nie baču ŭ hetym ničoha strašnaha. Usio ž było zabojstva, heta trahiedyja», — skazaŭ Kazimiraŭ.
Ciapier čytajuć
«Naiŭna spadziavalisia zarablać u Jeŭropach, pryjazdžać dadomu lačyć zuby na chalavu i zdavać kvateru». Prapahanda pačała apraŭdvać darahija žyroŭki dla «darmajedaŭ»2020
Kamientary