Tysiačy čałaviek ŭziali ŭdzieł u prafsajuznaj akcyi pratestu suprać kryzisu. Paśla akcyi častka demanstrantaŭ sprabavała ŭvarvacca ŭ Sojm. Heta ŭžo treciaja paśla Ryhi i Safii jeŭrapiejskaja stalica, dzie adbylisia takija masavyja manifiestacyi.
Tysiačy čałaviek ŭziali ŭdzieł u prafsajuznaj akcyi pratestu suprać kryzisu. Paśla akcyi častka demanstrantaŭ sprabavała ŭvarvacca ŭ Sojm. Heta ŭžo treciaja paśla Ryhi i Safii jeŭrapiejskaja stalica, dzie adbylisia takija masavyja manifiestacyi.Kala 7 000 čałaviek vyjšli ŭ Vilni na akcyju, meta jakoj — spynić niekatoryja reformy kiroŭnaj kaalicyi.
Pratestoŭcy zakidali budynak Sojmu Litvy śniežkami, kamianiami, plaškami. Jość paranienyja.
Natoŭp patrabavaŭ vychadu staršyni Sojmu Arunasa Valinskasa, ale da ich vyjšaŭ staršynia Sajuzu libierałaŭ Arturas Zuokas. Tady ŭ jaho kinuli jajkam. Natoŭp sprabavaŭ uvarvacca ŭ budynak parłamientu, raźbili šybu.
Mitynhoŭcy taksama kidali dymavyja šaški. U balnicu chutkaj dapamohi dastaŭlenyja dva čałavieki ź lohkimi ranieńniami.
Špurlajučy kamiani, ludzi skandavali «Litva» i «Dałoŭ Sojm».Palicyja vykarystoŭvała ślezaciečny haz.
Staršynia Sojmu ŭ časie akcyi abiedaŭ u restaranie z premjeram Narviehii.
Premjer Andrus Kubilus pryznaŭ spraviadlivaść pytańniaŭ, jakija ŭźnimajuć prafsajuzy. Adnak jon zajaviŭ, što pravakatary, jakija padbuchtorvali biesparadki ŭ stalicy - ich była para socień - paniasuć adkaznaść u adpaviednaści z zakonam.
Na hetym tydni anałahičnyja akcyi pratestu prajšli ŭ Ryzie i Safii.
* * *
U źviazku z masavymi zabureńniami kala budynku Sojmu Dziaržprakuratura Litvy pačała śledstva. Dasudovaje raźbiralnictva pačataje jak reakcyja na hvałtoŭnyja dziejańni ŭdzielnikaŭ akcyi pratestu.
Kali ŭdzielniki akcyi pačali kidać u palicyju dymavyja šaški, tyja nadzieli maski vykarystali ślezaciečny haz.
Namieśnik hałoŭnaha prakurora Vilenskaj akruhovaj prakuratury Anatol Karžoŭ skazaŭ: »Ciapier nadychodzić aperatyŭnaja infarmacyja ad palicejskich, jana aceńvajecca, pravodziacca inšyja dziejańni, nieabchodnyja da daznavańnia. Tolki paśla ŭstanaŭleńnia ŭsich faktaŭ i abstavinaŭ možna budzie rabić vysnovy ab chadzie akcyi».
Jak ćvierdzić kiraŭnik Departamentu dziaržbiaśpieki, Poviłas Małakaŭskas, specsłužby ŭstanavili prykmiety pravakacyj:»Padziei i pieršasnaja infarmacyja śviedčać — pravakacyi jość, ci byli jany pradumanaja i spłanavanyja zahadzia, ci rychtavalisia spantanna — užo inšaje pytańnie».
Tymčasam u Šaŭlach, padčas takich sama biesparadkaŭ, rej viali brytahałovyja. Jany zaklikali ludziej kidać kamiani j cahliny ŭ vokny budynku samaŭpravy. Niekalki dziasiatkaŭ brytahoałovych, chavajučy tvary ŭ šarfy i maski sprabavali prarvacca hvałtam u budynak.
Ciapier čytajuć
Źmicier Daškievič skazaŭ, što treba rabić biełarusam zaraz, kab kraina stała svabodnaj i niezaležnaj9
Kamientary