Тысячы чалавек ўзялі ўдзел у прафсаюзнай акцыі пратэсту супраць крызісу. Пасля акцыі частка дэманстрантаў спрабавала ўварвацца ў Сойм. Гэта ўжо трэцяя пасля Рыгі і Сафіі еўрапейская сталіца, дзе адбыліся такія масавыя маніфестацыі.
Тысячы чалавек ўзялі ўдзел у прафсаюзнай акцыі пратэсту супраць крызісу. Пасля акцыі частка дэманстрантаў спрабавала ўварвацца ў Сойм. Гэта ўжо трэцяя пасля Рыгі і Сафіі еўрапейская сталіца, дзе адбыліся такія масавыя маніфестацыі.Каля 7 000 чалавек выйшлі ў Вільні на акцыю, мэта якой — спыніць некаторыя рэформы кіроўнай кааліцыі.
Пратэстоўцы закідалі будынак Сойму Літвы снежкамі, камянямі, пляшкамі. Ёсць параненыя.
Натоўп патрабаваў выхаду старшыні Сойму Арунаса Валінскаса, але да іх выйшаў старшыня Саюзу лібералаў Артурас Зуокас. Тады ў яго кінулі яйкам. Натоўп спрабаваў уварвацца ў будынак парламенту, разбілі шыбу.
Мітынгоўцы таксама кідалі дымавыя шашкі. У бальніцу хуткай дапамогі дастаўленыя два чалавекі з лёгкімі раненнямі.
Шпурляючы камяні, людзі скандавалі «Літва» і «Далоў Сойм».Паліцыя выкарыстоўвала слезацечны газ.
Старшыня Сойму ў часе акцыі абедаў у рэстаране з прэм’ерам Нарвегіі.
Прэм’ер Андрус Кубілюс прызнаў справядлівасць пытанняў, якія ўзнімаюць прафсаюзы. Аднак ён заявіў, што правакатары, якія падбухторвалі беспарадкі ў сталіцы - іх была пара соцень - панясуць адказнасць у адпаведнасці з законам.
На гэтым тыдні аналагічныя акцыі пратэсту прайшлі ў Рызе і Сафіі.
* * *
У звязку з масавымі забурэннямі каля будынку Сойму Дзяржпракуратура Літвы пачала следства. Дасудовае разбіральніцтва пачатае як рэакцыя на гвалтоўныя дзеянні ўдзельнікаў акцыі пратэсту.
Калі ўдзельнікі акцыі пачалі кідаць у паліцыю дымавыя шашкі, тыя надзелі маскі выкарысталі слезацечны газ.
Намеснік галоўнага пракурора Віленскай акруговай пракуратуры Анатоль Каржоў сказаў: »Цяпер надыходзіць апэратыўная інфармацыя ад паліцэйскіх, яна ацэньваецца, праводзяцца іншыя дзеянні, неабходныя да дазнавання. Толькі пасля ўстанаўлення ўсіх фактаў і абставінаў можна будзе рабіць высновы аб хадзе акцыі».
Як цвердзіць кіраўнік Дэпартамэнту дзяржбяспекі, Повілас Малакаўскас, спэцслужбы ўстанавілі прыкметы правакацый:»Падзеі і першасная інфармацыя сведчаць — правакацыі ёсць, ці былі яны прадуманая і спланаваныя загадзя, ці рыхтаваліся спантанна — ужо іншае пытанне».
Тымчасам у Шаўлях, падчас такіх сама беспарадкаў, рэй вялі брытагаловыя. Яны заклікалі людзей кідаць камяні й цагліны ў вокны будынку самаўправы. Некалькі дзясяткаў брытагоаловых, хаваючы твары ў шарфы і маскі спрабавалі прарвацца гвалтам у будынак.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца3
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары