Літва перадала ў Міжнародную арганізацыю цывільнай авіяцыі дадатковыя доказы правядзення Беларуссю гібрыдных атак
Літва перадала ў Міжнародную арганізацыю цывільнай авіяцыі (ICAO) дадатковыя матэрыялы, якія, паводле яе сцвярджэння, даказваюць пагрозу для такой авіяцыі з боку Беларусі. Гаворка ідзе пра гібрыдныя атакі, якія ажыццяўляюцца з беларускай тэрыторыі.
Міністэрства транспарту Літвы паведаміла, што яшчэ ў кастрычніку 2025 года звярнулася ў ICAO і Еўракамісію, калі пачаліся такія інцыдэнты. Цяпер жа былі прадстаўленыя новыя доказы, якія павінны пацвердзіць незаконныя дзеянні.
Паводле інфармацыі літоўскага боку, з тэрыторыі Беларусі запускаюцца паветраныя шары (беспілотнікі), якія рэгулярна парушаюць паветраную прастору Літвы і могуць ствараць небяспеку для самалётаў і пасажыраў. З кастрычніка 2025 года падобныя выпадкі адбываліся не менш як 20 разоў і нават прыводзілі да часовага закрыцця віленскага аэрапорта.
Прэм’ер-міністарка Літвы Інга Ругінене раней таксама пацвердзіла, што краіна афіцыйна звярнулася ў ICAO з сабранымі доказамі.
Міністр транспарту Літвы Юрас Тамінскас адзначыў, што ёсць прыкметы таго, што Беларусь могуць прызнаць адказнай за гэтыя дзеянні. Ён падкрэсліў, што такое рашэнне стала б сур’ёзным палітычным ударам і магло б прывесці да новых санкцый.
У ICAO раней заяўлялі, што для разгляду такіх спраў патрэбны канкрэтныя доказы — менавіта іх, верагодна, цяпер і перадала Літва.
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары