Hastryty najčaściej abvastrajucca ŭviesnu i ŭvosień, kali nie bierahčysia.
Što takoje hastryt?
Hastryt — heta zapaleńnie ślizistaj abałonki straŭnika. U vyniku hastrytu parušajecca pieravarvańnie i zasvajeńnie ježy. Simptomy hetaha zachvorvańnia mohuć być vostrymi, a mohuć davać pra siabie znać tolki dyskamfortam (ciažar u straŭniku, uzdućcie, pabolvaje pad levymi rebrami). Najbolš jarkija simptomy hastrytu:
- bol pad łyžačkaj
- uzdućcie žyvata
- młosnaść
- adryžka
- źnižeńnie apietytu
- niepryjemny smak u rocie
- vanity
- nierehularny stuł.
Čamu hastryty abvastrajucca ŭ mižsiezońnie?
Uviesnu i ŭvosień mianiajecca režym dnia, charaktar charčavańnia. Pačynajuć aktyvizavacca prastudy, abvastrajucca ŭžo najaŭnyja chraničnyja zachvorvańni. Uvosień, chočam my taho ci nie, ale skaračeńnie śvietłavoha dnia nas pryhniataje, bo praktyka pakazvaje, što emacyjnaja śfiera vielmi ciesna źviazana sa stanam straŭnikava-kišačnaha trakta. A ŭviesnu arhanizm adčuvaje deficyt vitaminaŭ.
U čałavieka, jaki žyvie ŭ stanie chraničnaha stresu, šancy zarabić hastryt značna vyšejšyja, čym u tych, chto stavicca da luboj prablemy pa-fiłasofsku. A ŭsio tamu, što padčas stresu ŭ kroŭ vykidvajecca vialikaja kolkaść adrenalinu — harmonu, jaki vyklikaje zvužeńnie sasudaŭ. U vyniku horšaje krovazabieśpiačeńnie straŭnikava-kišačnaha trakta, parušajecca charčavańnie kletak ślizistaj straŭnika, častka ź ich atrafujecca i hinie, utvarajučy zony zapaleńnia, heta i jość hastryt. Kali hety stan nie lačyć, z časam na ślizistaj źjaŭlajucca defiekty, erozii i jazvy.
Luby hastraenterołah viedaje — uviesnu i ŭvosień kolkaść pacyjentaŭ pad jaho kabinietam rezka pavialičvajecca.
Što rabić?
Vyklučyć sa svajho racyjonu asnoŭnyja razdražnialniki ślizistaj straŭnika: mocnyja śpirtnyja napoi, kavu i haziroŭki.
Nie zachaplacca vostrymi prypravami, salonym, marynadami, zanadta haračaj abo chałodnaj ježaj.
Admovicca ad čypsaŭ, fast-fudu, supoŭ z pakiecika.
Paźbiahać praduktaŭ, bahatych hrubaj klatčatkaj (syraja kapusta, jabłyki, morkva).
Kinuć palić, a tym bolš nie palić našča. Nikacin i inšyja składniki tytuniovaha dymu paškodžvajuć ślizistuju i zapavolvajuć pracesy jaje rehienieracyi.
Pierastać bieskantrolna prymać leki. Navat zvyčajnaja tabletka aśpirynu moža nanieści škodu straŭniku.
Bolš staranna pieražoŭvać ježu.
Zabycca pra dyjety, asabliva strohija i niezbałansavanyja, bo lubyja ekśpierymienty z charčavańniem mohuć pryvieści da deficytu białku, vitaminaŭ i mikraelemientaŭ, bieź jakich niemahčymaja narmalnaja rehienieracyja ślizistych abałonak straŭnika.
Dvojčy ŭ hod (viasnoj i vosieńniu) prachodzić kurs lačeńnia minieralnymi vodami, pažadana na balniejałahičnych kurortach.
Dyjeta pra hastrycie
Adčuŭšy prykmiety hastrytu, varta pierajści na dyjetyčnaje charčavańnie: varanuju i tušanuju harodninu, rybu, niatłustaje miasa, vadkija kašy, raznastajnyja supy, sadavinu ź nievialikim utrymańniem klatčatki — banany, śpiełyja hrušy biez łupiny, piečanyja jabłyki biez łupiny.
Chielikabaktar piłary i jaho rola pry hastrycie
Nie vyklučana, što pryčynaj raźvićcia hastrytu stała nia hienietyčnaja schilnaść abo niapravilny ład žyćcia, a maleniečki, ale vielmi ahresiŭny mikrob chielikabaktar piłary. Pasialiŭšysia ŭ vychodnym adździele straŭnika, hety mikrob aktyŭna razmnažajecca i vyłučaje taksin, jaki pravakuje źjaŭleńnie hastrytaŭ, erozij i jazvaŭ. Voś čamu pry pieršych ža simptomach hastrytu važna nie zajmacca samalačeńniem, a abśledavacca ŭ hastraenterołaha.
Našto paryć nohi ŭ vocacie? Prosty srodak ad prablem, pra jakija nie pryniata havaryć
Cieła viedaje, kali ŭ vas vyharańnie. Jak nie prapuścić jaho prykmiety?
Prostyja sposaby, jak źnizić chalesteryn bieź lekaŭ
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary