Infarmacyju pra pałavoje žyćcio niepaŭnaletnich miedyki nie pavinny pieradavać nikomu, navat baćkam, za vyklučeńniem vypadkaŭ, praduhledžanych zakanadaŭstvam, kali jość pahroza žyćciu i zdaroŭju dziciaci abo inšych ludziej. Pra heta zajaviła BiełTA načalnik adździeła miedycynskaj dapamohi maci i dzieciam Ministerstva achovy zdaroŭja Ludmiła Lohkaja.
Čytajcie taksama: «Padletki mohuć admovicca ad hiniekałahičnaha ahladu». Jak apraŭdvajucca daktary paśla taho, jak im daručyli paviedamlać milicyi pra seks
«Miedycynskija ahlady — heta absalutna dobraachvotna, my nikoha nie prymušajem. Pa zakanadaŭstvie dzieci na ŭsie prostyja miedycynskija ŭmiašańni, u tym liku ahlady, sami mohuć davać ci nie davać zhodu z 14 hadoŭ. Ale tak skłałasia hadami, što da nas prychodziać amal 99% usich dziaciej — arhanizavana kłasami abo samastojna ŭ miesiac svajho naradžeńnia. Plus, kali dzieci chvareli i im pravodziłasia daśledavańnie, to my hetyja danyja biarem pad uvahu», — skazała Ludmiła Lohkaja.
Jana ŭdakładniła kankretnyja situacyi, jakija dajuć padstavu dla ŭmiašańnia pravaachoŭnikaŭ: kali dziaŭčynka, jakoj jašče niama 16 hadoŭ, ciažarnaja, kali pry ahladzie znojdzieny traŭmy i paškodžańni, jakija śviedčać pra supraćpraŭnyja dziejańni ŭ dačynieńni da jaje (heta mohuć być prykmiety zhvałtavańnia, umiašańni dla štučnaha pierapynieńnia ciažarnaści), a taksama ŭ tych vypadkach, kali dzicia samo raspaviadaje pra takija fakty.
Hetuju temu prakamientavaŭ žurnalistam i vice-premjer Ihar Pietryšenka. Jon adznačyŭ, što čutki pra toje, što paśla płanavych ahladaŭ lekary buduć paviedamlać va UUS pra fakty pałavoha žyćcia školnic da 16 hałoŭ, — ukid u infarmacyjnuju prastoru, dźmutaja, absalutna biezhruntoŭnaja siensacyja.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie62
Kamientary