Na 81 hodzie žyćcia pamior kampazitar Ihar Łučanok.
Nahadajem, z 2 listapada Ihar Michajłavič znachodziŭsia ŭ reanimacyi ŭ adździaleńni nieŭrałohii Haradskoj kliničnaj balnicy chutkaj dapamohi Minska. 80-hadovamu kampazitaru stała drenna ŭ noč z 1 na 2 listapada.
Łučanok naradziŭsia 6 žniŭnia 1938 hoda ŭ Minsku ŭ siamji lekara.
U dziacinstvie vučyŭsia ŭ muzyčnaj škole pry kansiervatoryi. Skončyŭ škołu adrazu jak cymbalist i jak pijanist.
U 1961 hodzie skončyŭ Biełaruskuju dziaržaŭnuju kansiervatoryju im. A. V. Łunačarskaha (kłas kampazicyi A. V. Bahatyrova). U 1963-1964 hh. stažyravaŭsia ŭ Leninhradskaj kansiervatoryi, u 1967 hodzie skončyŭ aśpiranturu Maskoŭskaj kansiervatoryi ŭ T. N. Chreńnikava.
U 1952-1953 hh. — artyst Dziaržaŭnaha narodnaha arkiestra Biełaruskaj SSR, u 1957-1958 hh. — vykładčyk muzyčnaj škoły ŭ Minsku, u 1960-1961 i 1962-1963 — Minskaha piedahahičnaha instytuta, u 1961-1962 — Homielskaha muzyčnaha vučylišča. Z 1963 hoda — vykładčyk, z 1969 — st. vykładčyk, u 1982-1986 hh. — rektar Biełaruskaj kansiervatoryi (prafiesar).
Z 1980 hoda — staršynia praŭleńnia Sajuza kampazitaraŭ Biełarusi.
Jaho viadomyja pieśni: «Bałada pra Minsk», «Žuraŭli na Paleśsie laciać», «Vierasy», «Alesia», «Spadčyna», «Vieranika», «Moj rodny kut», «Darahija maje ziemlaki», «Ave Maryja», «Polka biełaruskaja», «Vienski vals», «Oj u lesie, u huščary», «Začarovanaja maja», «Treba doma byvać čaściej», «Biarozka», «Kurapaty», «Marjina Horka» (usiaho bolš za 400 piesień).
Čytajcie:
«Spadčyna», «Moj rodny kut», «Žuraŭli na Paleśsie laciać» — pieśni Łučanka, jakija mnohija ličać narodnymi VIDEA
Ihar Łučanok: Hrošy — zło, abo Piać faktaŭ pra kampazitara
Ihar Łučanok. Praviły žyćcia
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały4
Kamientary