Troje supracoŭnikaŭ palicyi, padazravanyja ŭ zhvałtavańni kalehi ŭ Baškiryi, zvolnienyja. Pra heta tass.ru paviedamili ŭ MUS pa rehijonie RF.
U Baškiryi troch palicejskich zatrymali pa padazreńni ŭ zhvałtavańni dziaŭčyny-daznaŭcy adździeła MUS Rasii pa Ufimskim rajonie. Pa fakcie złačynstva zaviedziena kryminalnaja sprava pa artykule «Zhvałtavańnie i hvałtoŭnyja dziejańni seksualnaha charaktaru, jakija byli ździejśnieny hrupaj asobaŭ».

Incydent adbyŭsia ŭ noč na 30 kastryčnika. 34-hadovy kiraŭnik adździeła mihracyi AMUS pa Ufimskim rajonie Pavieł Ja. arhanizavaŭ zastolle dla svaich načalnikaŭ — 51-hadovaha načalnika AMUS pa Ufimskim rajonie Eduarda M. i 50-hadovaha načalnika AMUS pa Karmaskalinskim rajonie Sałavata H.
Pjanyja palicejskija zachacieli praciahu hulanki. Tady Pavieł Ja. uzhadaŭ pra 23-hadovuju kalehu-daznaŭcu. Jon paprasiŭ jaje zajści ŭ kabiniet, prykryvajučysia pracoŭnymi pytańniami. Kali ž dziaŭčyna pryjšła, joj nastojliva prapanavali vypić.
U vyniku daznaŭcu hvałtavali ŭsiu noč. Maŭčać jana nie stała i adrazu pajšła z zajavaj u Śledčy kamitet.
-
Znajšli statuetku «Oskara» Paŭła Tałankina, što zhubiłasia padčas pieralotu ź Ńju-Jorka ŭ Frankfurt
-
Žonka zahinułaha biełaruskaha dobraachvotnika patrabuje źmianić zakon pra zvańnie «Hieroj Ukrainy», jakim nielha ŭznaharodzić zamiežnikaŭ
-
Rasšyfravany virus Fast16, jaki škodziŭ iranskaj jadziernaj prahramie
Kamientary