21 lutaha ŭ śviecie adznačajecca Mižnarodny dzień rodnaj movy. Jon byŭ abvieščany UNESCO u 2000 hodzie. U hety dzień va ŭniviersitetach i kłubach prachodziać admysłovyja mierapryjemstvy i akcyi, u sacyjalnych sietkach i ŚMI źjaŭlajucca šmatlikija konkursy i publikacyi — i ŭsio pryśviečana biełaruskaj movie.
Art Siadziba zaprašaje adznačać Śviata rodnaj movy ŭ minski kłub «Hraj» (Internacyjanalnaja, 33).
My chočam pakazać, što biełaruskaja mova nie tolki žyvie i raźvivajecca, ale natchniaje šmatlikich ludziej na cikavyja i jaskravyja prajekty, akrylaje na dobryja spravy.
Prahrama
17:00 — 20:00 — na druhim paviersie budzie prachodzić «Žyvaja biblijateka». Heta niezvyčajnaja biblijateka. Tut zamiest zvykłych nam «knih» vystupajuć žyvyja ludzi sa svaimi historyjami, jakija hatovy adkazvać na lubyja pytańni. «Kniha» — heta žyvy čałaviek, jaki maje peŭnuju identyčnaść, redkuju prafiesiju, unikalny dośvied, niazvykły dla «bolšaści» ład žyćcia albo śvietapohlady;
17.00 - 21.00 — na druhim paviersie budzie prachodzić «Hulniateka». Kožny žadajučy zmoža zhulać u biełaruskamoŭnyja nastołki: «Bahač», «Kazačnik», «Mova» i inšyja;
18:00 — 19:00 — na hałoŭnaj scenie Hanna Komar prezientuje pieršy zbornik vieršaŭ kultavaha amierykanskaha aŭtara Čarlza Bukoŭski na biełaruskuju movu. Układalnica i pierakładčyca raskaža cikavych faktaŭ pra Bukoŭski, raspaviadzie pra knihu i pačytaje vieršy ź jaje;
19:00 — 22:00 — u hałoŭnaj zale vystupiać biełaruskija hurty:
- Rahis;
- MIKITA;
- «Biaz Nazvy»;
- The Superbullz.
17:00 — 22:00 — kožny zmoža pastavić svoj podpis pad Pieršaj Ustaŭnoj Hramataj Biełaruskaj Narodnaj Respubliki, jakaja źjaviłasia na śviet 100 hadoŭ tamu. Kožny zmoža atrymać kopiju Ustanoŭnaj hramaty sabie na pamiać;
18:00 — 20:00 — na druhim paviersie dla dzietak padrychtavanaja dziciačaja prahrama: batlejka i fotazona;
Uvieś viečar budzie pracavać kirmaš ad symbal.by i hareza.by
21 lutaha, kafe «Hraj» (vuł. Internacyjanalnaja, 3).
😃 Uvachod volny! Ale treba zapisacca: pa spasyłcy abo pa telefonie +375 25 996 93 76.
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?1
Kamientary