U Čarnobyli znajšli niezvyčajny čorny hryb, jaki siłkujecca radyjacyjaj
U Čarnobylskaj zonie adčužeńnia navukoŭcy znajšli niezvyčajny mikraarhanizm — čorny hryb Cladosporium sphaerospermum. Jon nie tolki vyžyvaje pry vysokim uzroŭni radyjacyi, ale i raście dziakujučy joj chutčej, piša vydańnie Science Alert.
Hryb byŭ znojdzieny niepasredna na kanstrukcyjach razburanaha 4‑ha enierhabłoka Čarnobylskaj AES. Analiz pakazaŭ, što hety vid vałodaje ŭnikalnaj zdolnaściu vykarystoŭvać enierhiju ijanizujučaha vypramieńvańnia dla padtrymańnia rostu i mietabalizmu.
Navukoŭcy ličać, što klučavuju rolu tut adyhryvaje miełanin — ciomny pihmient u ścienkach kletak. Miarkujecca, što miełanin pracuje jak «bijałahičnaja soniečnaja batareja»: pahłynaje radyjacyju i pieratvaraje jaje ŭ chimičnuju enierhiju, jakuju hryb moža vykarystoŭvać dla žyćcia.
Choć dakładny miechanizm tak zvanaha «radyjosintezu» jašče patrabuje paćviardžeńnia, łabaratornyja ekśpierymienty pakazvajuć adnaznačna: radyjacyja nie tolki nie škodzić hetamu hrybu, a jakraz naadvarot — paskaraje jaho rost. Heta stavić pad sumnieŭ tradycyjny pohlad, što ijanizujučaje vypramieńvańnie zaŭsiody źniščalna dziejničaje na žyvyja arhanizmy.
Pieršyja ciomnyja kałonii takich hryboŭ zaŭvažyli jašče ŭ kancy 1990‑ch hadoŭ na ścienkach sarkafaha razburanaha reaktara. Ich vyklučnaja ŭstojlivaść da doz radyjacyi, śmiarotnych dla bolšaści formaŭ žyćcia, vyklikała vialikuju cikavaść navukoŭcaŭ.
Daśledavańni pakazali padvyšanuju kancentracyju miełaninu ŭ hetych arhanizmach i ich zdolnaść vydatna adčuvać siabie ŭ ekstremalnych umovach, jakija raniej ličylisia nieprydatnymi dla isnavańnia mikraarhanizmaŭ.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary
Vy bačycie formu žyćcia, jakaja zamienić čałavieka, u vypadku kankretnaj avaryi, u niepasrednaj blizaści da miesca avaryi.
Rabić z hetaha vysnovu, što heta "łamaje tradycyjnyja pohlady" śmieła.
Tolki čyje heta pohlady na vynik mutacyj i faktaraŭ adbora - bijołaha, ci "stvaralnika ličbavaha kantenta"? Adbor, prabačcie, heta śmierć adnych i vyžyvańnie druhich.
Toje, što hryby i bakteryi pradukujuć miełanin i vitamin D, viadoma daŭno.
Charošy śpiecyjalist pa kučnamu vyščałačvańniu mietałaŭ pačnie ź izalacyi litatrofnych mikraarhanizmaŭ, jakija vyžyli ŭ advale. I čym starejšym budzie advał, tym kaštoŭniejšymi buduć vyniki takoha daśledvańnia, bo za čas, jaki projdzie z momantu farmavańnia advała, vyžyvuć mienavity tyja, jakija mahčyma i buduć karysny.
Mikrabijołah voźmie proby u kožnaj łužynie staroha advała, kab znajści mienavita tyja litatrofnyja bakteryi, jakija i vyžyli mienavita ŭ hetaj łužynie.
Toje samaje i tut. Bijołaha biezumoŭna zacikavić hryb, jaki zdoleŭ vyžyć na radyjacyjnym bietonie. Radyjacyja była faktaram cisku adbora i pryčynaj mutacyj adnačasova. Nu a tradycyjnyja pohlady pałamaje zusim nie bijołah, a...stvaralnik ličbavaha kantenta.
RS
Vutka zamiest kački nidzie nie ŭpierłasia?