У Чарнобылі знайшлі незвычайны чорны грыб, які сілкуецца радыяцыяй
У Чарнобыльскай зоне адчужэння навукоўцы знайшлі незвычайны мікраарганізм — чорны грыб Cladosporium sphaerospermum. Ён не толькі выжывае пры высокім узроўні радыяцыі, але і расце дзякуючы ёй хутчэй, піша выданне Science Alert.
Грыб быў знойдзены непасрэдна на канструкцыях разбуранага 4‑га энергаблока Чарнобыльскай АЭС. Аналіз паказаў, што гэты від валодае ўнікальнай здольнасцю выкарыстоўваць энергію іянізуючага выпраменьвання для падтрымання росту і метабалізму.
Навукоўцы лічаць, што ключавую ролю тут адыгрывае меланін — цёмны пігмент у сценках клетак. Мяркуецца, што меланін працуе як «біялагічная сонечная батарэя»: паглынае радыяцыю і ператварае яе ў хімічную энергію, якую грыб можа выкарыстоўваць для жыцця.
Хоць дакладны механізм так званага «радыёсінтэзу» яшчэ патрабуе пацвярджэння, лабараторныя эксперыменты паказваюць адназначна: радыяцыя не толькі не шкодзіць гэтаму грыбу, а якраз наадварот — паскарае яго рост. Гэта ставіць пад сумнеў традыцыйны погляд, што іянізуючае выпраменьванне заўсёды знішчальна дзейнічае на жывыя арганізмы.
Першыя цёмныя калоніі такіх грыбоў заўважылі яшчэ ў канцы 1990‑х гадоў на сценках саркафага разбуранага рэактара. Іх выключная ўстойлівасць да доз радыяцыі, смяротных для большасці формаў жыцця, выклікала вялікую цікавасць навукоўцаў.
Даследаванні паказалі падвышаную канцэнтрацыю меланіну ў гэтых арганізмах і іх здольнасць выдатна адчуваць сябе ў экстрэмальных умовах, якія раней лічыліся непрыдатнымі для існавання мікраарганізмаў.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай11
Каментары
Вы бачыце форму жыцця, якая заменіць чалавека, у выпадку канкрэтнай аварыі, у непасрэднай блізасці да месца аварыі.
Рабіць з гэтага выснову, што гэта "ламае традыцыйныя погляды" смела.
Толькі чые гэта погляды на вынік мутацый і фактараў адбора - біёлага, ці "стваральніка лічбавага кантэнта"? Адбор, прабачце, гэта смерць адных і выжыванне другіх.
Тое, што грыбы і бактэрыі прадукуюць меланін і витамін Д, вядома даўно.
Харошы спецыяліст па кучнаму вышчалачванню металаў пачне з ізаляцыі літатрофных мікраарганізмаў, якія выжылі ў адвале. І чым старэйшым будзе адвал, тым каштоўнейшымі будуць вынікі такога даследвання, бо за час, які пройдзе з моманту фармавання адвала, выжывуць менавіты тыя, якія магчыма і будуць карысны.
Мікрабіёлаг возьме пробы у кожнай лужыне старога адвала, каб знайсці менавіта тыя літатрофныя бактэрыі, якія і выжылі менавіта ў гэтай лужыне.
Тое самае і тут. Біёлага безумоўна зацікавіць грыб, які здолеў выжыць на радыяцыйным бетоне. Радыяцыя была фактарам ціску адбора і прычынай мутацый адначасова. Ну а традыцыйныя погляды паламае зусім не біёлаг, а...стваральнік лічбавага кантэнта.
РS
Вутка замест качкі нідзе не ўперлася?