Siamja Vani Ściacenki źbirajecca jechać u kliniku ŭ Dubaj. Hrošy ŭžo ŭsie pryjšli
Učora stała viadoma, što sumu, jakoj nie chapaje na lačeńnie 8‑hadovaha Vani Ściacenki, nakirujuć na jaho karyść z aryštavanych srodkaŭ padazravanych hrodzienskich błohieraŭ, jakich abvinavačvajuć u prysvajeńni sabranych hrošaj na svaje ŭłasnyja patreby. Jak raskazała vydańniu «Anłajnier» mama Vani Alaksandra, apošni pieravod pryjšoŭ kala 17‑j hadziny 1 śniežnia.
«Pakul nie vierycca. Niaŭžo sapraŭdy ŭsio? Zdajecca, što ŭsio heta son», — uśmichajecca mama.
Pa słovach Alaksandry, siamja ŭžo paŭtara miesiaca zajmajecca paetapnym pieravodam hrošaj u dubajskuju kliniku. Heta dazvolić istotna paskoryć praces afarmleńnia dakumientaŭ.
Lacieć na lačeńnie Vania zmoža, chutčej za ŭsio, na nastupnym tydni. U najbližejšyja dni siamja budzie kuplać kvitki. Spačatku dziciaci treba budzie zdać test na najaŭnaść antyciełaŭ — čakańnie vynikaŭ zojmie 10‑12 dzion. Kali pryjduć vyniki, možna budzie zakazać sam preparat.
«Ale toje, što dzicia budzie znachodzicca tam, pad pastajannym nahladam, vielmi supakojvaje. Usie hetyja kurtki i zimovy abutak dajucca Vaniu ciažka. Spadziajusia, užo paśla źmieny klimatu jamu budzie krychu lahčej», — padzialiłasia Alaksandra.
Siamja vykazała vialikuju padziaku ŭsim, chto ŭziaŭ udzieł u zbory.
U vaśmihadovaha Vani Ściacenki ciažkaja hienietyčnaja chvaroba — mijadystrafija Diušena. Nieabchodny chłopcu ŭkoł kaštuje 2,9 miljona dalaraŭ.
Heta druhi taki maštabny zbor, jaki ŭdałosia zakryć u Biełarusi. Pieršy raz usiu sumu na aparat «Elevidzis» sabrali Arciomu Padjałoŭskamu ŭ studzieni hetaha hoda.
Adnak prosta ciapier adkrytyja jašče try anałahičnyja zbory.
Kamu jašče treba dapamoha?
Arciomu Korbalu z Mazyra — chłopčyku ŭžo spoŭniłasia 10 hadoŭ. Ciapier jon vučycca ŭ 4‑m kłasie zvyčajnaj ahulnaadukacyjnaj škoły. Chłopiec lubić futboł, jaho kumir — Kryšcijanu Ranałdu. Zbor baćki adkryli ŭ žniŭni, pakul udałosia sabrać mienš za 5%.
Na lačeńnie źbirajuć i dla Jahora Jarmałoviča z Hrodna. U kancy vieraśnia chłopčyku spoŭniłasia 9 hadoŭ, ciapier jon vučycca ŭ 2‑m kłasie. Na hety momant sabrana krychu bolš za 8%.
Daniłu Duku z Novałukomla 6 hadoŭ. Z kožnym dniom jamu ŭsio składaniej vykonvać zvyčajnyja dziejańni, tamu baćki vyrašyli pakul nie addavać chłopčyka ŭ škołu. Na 5‑y pavierch doma, dzie žyvie siamja, samastojna padniacca Dania ŭžo nie moža. Pra dyjahnaz baćki daviedalisia tolki ŭ pačatku hetaha leta, a zbor adkryli ŭ siaredzinie žniŭnia. Ciapier siamja sabrała 17,52%.
U Kaci Vinahradavaj z Kobryna śpinalnaja myšačnaja atrafija II typu (SMA II typu). Adzinym šancam na vyratavańnie žyćcia Kaci źjaŭlajecca preparat Zolgensma — adzin z samych darahich lekaŭ u śviecie, košt jakoha składaje 1 817 500 dalaraŭ ZŠA. U śniežni 2024 hoda pajšoŭ z žyćcia baćka Kaci, i mama zmahajecca za žyćcio dački ŭ adzinočku. Sabrać na hety momant zastałosia 28,01% ad sumy.
Jak žyvuć siemji, jakija sabrali vializnyja hrošy na vyratavalny ŭkoł dla dziciaci
Zbor dla Vani Ściacenki zakryli hrašyma z aryštavanych srodkaŭ hrodzienskich błohieraŭ
17‑hadovy błohier, jaki šykavaŭ na hrošy sa zboru na chvoraje dzicia, znoŭ źbirajecca razyhryvać ajfony
Błohier z Hrodna, jakoha abvinavacili ŭ machlarstvie na hrašach dla chvoraha dziciaci, u instahramie prakamientavaŭ svaju spravu
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
Maci chłopčyka z Hrodna, jakomu dapamahali źbirać hrošy zatrymanyja błohiery: Jany pieradali nam 257 tysiač, dla nas heta vielizarnyja hrošy
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary