Pad Mahilovam chłopiec zabiŭ sužycielku z-za reŭnaści da małodšaha brata
Žychar ahraharadka ŭ Kruhlanskim rajonie pryhavorany da 15 hadoŭ kałonii ŭzmocnienaha režymu za žorstkaje zabojstva sužycielki, učynienaje ŭ pačatku studzienia.
Jak paviedamiŭ SK, 24‑hadovy chłopiec mocna pryraŭnavaŭ žančynu da svajho małodšaha brata.
Padčas svarki jon žorstka źbiŭ sužycielku, a potym nanios joj udar budaŭničym nažom.
Sudova-miedycynskaja ekśpiertyza vyjaviła ŭ zahinułaj pierałomy rebraŭ i padjazyčnaj kostki, a taksama nie mienš jak 33 udary tupym pradmietam. Śmierć nastupiła ad kambinavanaj traŭmy ź vialikaj strataj kryvi i traŭmatyčnym šokam.
Zatrymany pryznaŭsia, što mieŭ da žančyny mocnyja pačućci i «litaralna da ŭsich raŭnavaŭ». Paśla zabojstva jon sam vyklikaŭ miedykaŭ.
Mužčynu sudzili pa art. 139 č. 2 p. 6 KK RB (zabojstva, učynienaje z asablivaj žorstkaściu). Rodnamu bratu zahinułaj prysudžana hrašovaja kampiensacyja maralnaj škody.
Kamientary