«Daj piać, Pavaroci». U Italii vakoł pomnika viadomamu tenaru zalili koŭzanku
U Italii razhareŭsia skandał paśla taho, jak u horadzie Piezara vakoł bronzavaj statui słavutaha tenara Łučana Pavaroci zalili kaladnuju koŭzanku. U vyniku skulptura akazałasia nibyta «pa kaleni ŭ lodzie» i abharodžanaja ścienkami z orhškła, piša Bi-bi-si.
Udava śpievaka Nikaleta Mantavani žorstka raskrytykavała miascovyja ŭłady, nazvaŭšy rašeńnie absurdnym i abraźlivym dla pamiaci čałavieka, jaki prasłaviŭ Italiju. Mer horada Andrea Bjankani ŭžo publična paprasiŭ prabačeńnia i pryznaŭ, što jaho kamanda dapuściła pamyłku.
Ale pierad adkryćciom koŭzanki mer navat vykłaŭ žartoŭny adredahavany zdymak, na jakim statuja niby hulaje ŭ chakiej, z nadpisam «Daj piać, Pavaroci», što vyklikała jašče bolšaje abureńnie siamji.
Statuju ŭ Piezara pastavili ŭ krasaviku 2024 hoda, na jaje adkryćci prysutničali ŭdava i dačka muzyki. Pavaroci časta byvaŭ u hetym horadzie i mieŭ tam viłu, a taksama status hanarovaha hramadzianina.
Mer paviedamiŭ, što spačatku jamu kazali, nibyta prajekt katka nie zakranie skulpturu, ale paźniej budaŭniki źmianili płan. Ciapier pieranieści statuju abo demantavać katok niemahčyma, ale ŭłady abiacajuć, što padobnaha bolš nie dapuściać.
Łučana Pavaroci ličać adnym z najvialikšych opiernych śpievakoŭ usich časoŭ. Jon staŭ suśvietnaj zorkaj paśla vystupleńniaŭ «Troch tenaraŭ» i lehiendarnaha vykanańnia Nessun Dorma. Pamior u 2007 hodzie ad raku padstraŭnikavaj załozy. U jaho zastalisia čatyry dački, a druhaja žonka muzyki, Nikaleta Mantavani, u 2020 hodzie znoŭ vyjšła zamuž.
Čym žyvie opierny śpiavak Silčukoŭ, jakoha ŭ 2020‑m zvolnili ź Vialikaha teatra za pazicyju
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie
Biełaruska stała finalistkaj konkursu opiernych śpievakoŭ u Italii
«Heta nastolki apahanić śviatoje!» Hledačy aburanyja baletam u Vialikim teatry, jaki pastaviŭ zaprošany z Rasii baletmajstar
Kamientary