Nie ŭsio toje, što modna, prydatnaje dla žyćcia. Ale pradstaŭniki śfiery pryhažości praciahvajuć ekśpierymientavać i ździŭlać, bo, što kazać, praca ŭ ich takaja.
Raniej my pisali pra takija cikavyja trendy jak štučnyja rabacinki, makijaž u vyhladzie internet-miemaŭ dy kupalniki dla tvaru. Prapanujem razam aznajomicca z novymi fantazijami vizažystaŭ i dyzajnieraŭ. Jak minimum, heta vučyć nie bajacca samavyjaŭlacca.
Brovy-pierje ŭžo sastareli. Ciapier modna rabić ich padobnymi na chvali, kosy dy małanki. Asobnym ekśpierymientataram možna pasprabavać nie prosta zamaloŭvać ich, a vyholvać — pačatak 2000-ch, kali tak chadzili ŭsie samyja prasunutyja chłopcy z dvara, viarnuŭsia.
Sełfi zaklikajuć rabić nie tolki na telefony, ale i na paznohciach. Pasprabujcie dać takuju zadačku vašamu majstru — zaadno pravierycie, nakolki jon prafiesijanał svajoj spravy.
Dla tych, kamu padabajecca estetyka miortvaj pryrody, jość inšy varyjant: paznohci z pareštkami paŭzunoŭ. Matyli heta buduć ci pavuki — abirajcie sami.
Samyja prasunutyja ŭmudrajucca źmiaścić na svaich paznohciach jašče i śpinier — biezumoŭna, samuju papularnuju cacku hetaha hoda.
Možacie zabyć pra standartnyja strełki na vačach, bo ŭ trendzie makijaž naadvarot. Łamajcie sistemu!
Prosta hradyjentnym farbavańniem vałasoŭ ciapier nikoha nie ździviš. Kali i bracca za hałavu, to stvarać ź jaje voś takija art-abjekty.
I krychu pra naviny ŭ śfiery lohkaj pramysłovaści. Niekatoryja mužčyny aburajucca, što im nielha mieć u harderobie sukienki ci spadnicy i ŭvohule vybar adzieńnia ŭ ich dosyć abmiežavany. Vidać, z kłopatam pra takuju katehoryju i stvaryli karunkavyja mužčynskija šorty. Praŭda, daviadziecca patrymać ich u šafie da viasny ci dačakacca, kali ŭklučać aciapleńnie.
A heta novaja transfarmacyja zvyčajnaj sumki. Dla tych, kamu nadakučyła nasić hruz na plačy i navat pryjełasia haniać ź im na pojasie. Ale nakolki zručna šukać u takoj torbie rečy — pytańnie.
Ciapier čytajuć
Što viadoma pra biełarusa, jaki zahinuŭ la Elbrusa3
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary