Biełaruski kiraŭnik pierahledzieŭ svaje płany i, chutčej za ŭsio, nie pryjedzie na rasijski palihon dla inśpiektavańnia vučeńniaŭ «Zachad-2017». Pra heta paviedamlaje «Kommiersant» sa spasyłkaj na vajenna-dypłamatyčnuju krynicu.
Pa słovach krynicy, pieršapačatkova mierkavałasia, što Pucin prybudzie na rasijski palihon razam z kiraŭnikom Biełarusi Alaksandram Łukašenkam. Ale, pa apošniaj infarmacyi surazmoŭcy «Kommiersanta», Łukašenka pierahledzieŭ svaje płany i, chutčej za ŭsio, nie prylacić u Rasiju.
Pra toje, što Pucin i Łukašenka prainśpiektujuć chod vučeńniaŭ na adnym z rasijskich palihonaŭ paviedamiŭ «Iźviestijam» Dźmitryj Piaskoŭ.
Pucin i Łukašenka apošni raz razam nazirali za manieŭrami vučeńniaŭ «Zachad-2013» - spačatku ŭ Hrodzienskaj vobłaści Biełarusi, a zatym u Kalininhradskaj vobłaści Rasii.
Vučeńni «Zachad-2017» pačalisia 14-ha i praciahnucca da 20 vieraśnia. U ich zadziejničany 12 700 vajskoŭcaŭ (ź ich kala 10 tysiač - u Biełarusi), 370 adzinak braniatankavaj techniki, u tym liku 140 tankaŭ, da 150 adzinak artyleryi, bolš za 40 samalotaŭ i viertalotaŭ, dadaje Tut.by.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary