Samaja papularnaja cyrkavaja trupa ŭ śviecie — Cirque du Soleil — upieršyniu pakaža ŭ Biełarusi pastanoŭku Varekai, jakuju ŭbačyła bolš za 10 młn čałaviek pa ŭsim śviecie. Z 28 vieraśnia pa 1 kastryčnika ŭ «Minsk-Arenie» projdzie 6 pakazaŭ. Kvitki ŭžo ŭ prodažy! Dzieciam da 5-ci hadoŭ uvachod biaspłatny biez pradastaŭleńnia miesca.
Ab Varekai
U hłybini zahadkavaha lesu, na viaršyni vułkana znachodzicca čaroŭny śviet, u jakim niama ničoha niemahčymaha. Hety śviet nazyvajecca Varekai. Ź niabiosaŭ na ziamlu padaje samotny junak, i historyja Varekai pačynajecca. Apynuŭšysia siarod cieniaŭ tajamničaha lesu, u strakatym śviecie fantastyčnych stvareńniaŭ, hałoŭny hieroj akunajecca ŭ burlivy strumień niečakanych i zachaplalnych pryhod. Na miažy časoŭ, u śviecie, dzie mahčyma ŭsio i navat bolš, hučyć natchniony himn pieraasensavańnia žyćcia i znoŭ nabytaha cudu, jaki chavajecca ŭ asnovie śvietabudovy i našaj dušy.
— Cirque du Soleil ščaślivy viarnucca ŭ Biełaruś i ŭpieršyniu pradstavić tut adno sa svaich kłasičnych šou — Varekai. Na praciahu apošnich troch hadoŭ hetaje šou źbirała anšłahi na arenach u Jeŭropie, Rasii i Paŭnočnaj Amierycy. Varekai — heta historyja pra kachańnie i nadziei. Ab zdolnaści znajści ŭ sabie śmiełaść iści napierad i adkryvacca novamu dośviedu navat u ciažki čas. Heta historyja pra toje, što kožny z nas pieražyvaje choć by raz u žyćci. Varekai — heta sumieś ašałamlalnaj akrabatyki, chareahrafii, žyvoj muzyki i viasiołaha błaznavańnia, — adznačaje Bruna Darmańjak, art-dyrektar Varekai.
Kožny režysior, jakomu vypadaje honar stavić šou dla Cirque du Soleil, pakidaje ŭ cyrku čaścinku svajoj dušy. Nie staŭ vyklučeńniem i režysior Varekai — Daminik Šampań, viadomy kanadski dramaturh, scenaryst i teatralny pastanoŭščyk, uładalnik šmatlikich teatralnych premij, siarod jakich premija Asacyjacyi krytykaŭ Critics' Prize i hran-pry teatralnaha fiestyvalu ŭ Manreali. Pracu hetaha režysiora biełarusy ŭbačać upieršyniu.
Kampazitar Varekai Vijalejn Karada abjadnała pieśni francuzskich trubaduraŭ XI stahodździa, tradycyjnyja haśpieły, armianskija miełodyi i rytmy havajskich rytualnych cyrymonij. Muzyka ŭ šou Cirque du Soleil vykonvajecca ŭžyvuju, a vykanaŭcy ŭvieś čas znachodziacca na scenie padčas śpiektakla.
Varekai pahladzieli bolš za 10 miljonaŭ čałaviek u 130 haradach śvietu, što dazvalaje z poŭnym pravam nazvać jaho błokbastaram, naroŭni z kasavymi śpiektaklami i filmami.
Ab Cirque du Soleil
U 2013 hodzie, kali Cirque du Soleil debiutavaŭ u Biełarusi, jaho śpiektakli pierakulili ŭjaŭleńnie žycharoŭ našaj krainy ab cyrkavym mastactvie. Jarkija, fantasmaharyčnyja vobrazy i piersanažy šou, sama abstanoŭka, jakaja supravadžała vystupy, - tady zdavałasia dziŭnym, što ŭ cyrkavoj pastanoŭcy mohuć być nie tolki truki, ale i vyraznaja historyja, i žyvy vakał.
Pačaŭšy ź nievialikaj hrupy z 20 vuličnych artystaŭ u 1984 hodzie, Cirque du Soleil pieratvaryŭsia ŭ adnu z najbujniejšych kvebekskich kampanij, jakaja stvaraje mastackija pastanoŭki najvyšejšaj jakaści. U kampanii pracuje amal 4000 čałaviek z 50 krain śvietu, u tym liku 1300 artystaŭ.
Zachodnija teatralnyja krytyki pišuć pra Cirque du Soleil jak pra radaść pačućciaŭ ź jarkimi kaściumami, jakaja ruchajecca muzykaj, transfarmuje prastoru hukavymi efiektami i dziŭnymi podźvihami čałaviečaha cieła i duchu.
Cirque du Soleil prynios kazku i radaść u žyćcio bolš čym 160 miljonam hledačoŭ u 400 ź lišnim haradach ŭ 60 krainach na piaci kantynientach. Bolš detalovuju infarmacyju ab Cirque du Soleil možna znajści na sajcie www.cirquedusoleil.com.
Košty kvitkoŭ: ad 40 da 180 rubloŭ, dla dziaciej da 10 hadoŭ — kvitki ad 32 da 144 rubloŭ, dzieciam da 5 hadoŭ uvachod biaspłatny.
Kvitki na šou Varekai možna kupić na aficyjnym sajcie cirquedusoleil.com, na sajcie kancertnaha ahienctva «Atam intertejnmient» (biez kamisii), a taksama na sajtach biletnych apierataraŭ i ŭ kasach horada.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1818
Kamientary