Usiaho patrochu6969

Piać adroźnieńniaŭ biełaruskaj čyścini ad jeŭrapiejskaj

Biełarusy časta hanaracca čyścinioj. U toj ža čas pry ščyrych razmovach zamiežniki kpiać z našaj «čyścini». «Naša Niva» sabrała piać prykładaŭ, dzie «biełaruskaja čyścinia» nie supadaje ź jeŭrapiejskaj.

Napierad zaŭvažu, što słaba viedaju Jeŭropu paŭdniovuju, supastaŭlaju z «blizkaj Jeŭropaj» — Niamieččynaj, Skandynavijaj, słavianskimi krainami.

Tualety i los papiery

Dla jeŭrapiejcaŭ tualety — heta test na čyściniu. Miž tym u Biełarusi navat u Domie ŭrada ŭ hramadskaj prybiralni ŭnitaz ujaŭlaje saboj dzirku ŭ padłozie. Tualety pa jeŭrapiejskich standartach vielmi niačystyja ŭ našych navučalnych ustanovach, dziaržaŭnych budynkach, armii. Dziaciej nie vučać praviłam dobraha tonu pry karystańni tualetami.

I jašče taki niuans. Biełarusy mižvoli zachoŭvajuć instynkty, vyniesienyja z časoŭ, kali tualety byli typu «sarcir». A jašče — z toj pary, kali tualetnaja papiera była deficytam, a ŭ tualetach karystalisia hazietami. Hazieta, u adroźnieńnie ad tualetnaj papiery, zabivała kanalizacyju, tamu jaje nie spuskali va ŭnitaz, a składali ŭ śmietnicy. Zamiežniki časta ŭražvajucca vidoviščam viodraŭ u našych tualetach.

Śmietnicy

Vyvaz i pierapracoŭka śmiećcia — asablivaść raźvitych hramadstvaŭ.

Śmiećcievyja kantejniery ŭ Viciebsku, 2016 h. Fota Siarhieja Hudzilina

Nie budu kranać temy pierapracoŭki, ale zamiežniki źviartajuć uvahu na śmietnicy. U Niamieččynie jany abaviazkova zakrytyja. U nas u dvarach — jak praviła, adkrytyja. U vyniku, katy, varony i bamžy raściahvajuć ich źmieściva, jano valajecca siarod darohi.

Sistema raźmiaščeńnia śmiećcievych bakaŭ i dostupu da ich —asablivaść jeŭrapiejskaj čyścini.

Škło ŭ padjezdach

Jeŭrapiejcam našmat važniejšaje toje, što ŭnutry doma, kvatery, a nie na vulicy. U Biełarusi časta byvaje naadvarot.

Źviarnicie ŭvahu na vokny ŭ padjezdach navat prestyžnych damoŭ Biełarusi. Zajdzicie, naprykład, u słavuty Dom na Niamizie. Vokny tam hadami, a to i dziesiacihodździami nie mytyja, zalapanyja, u tym liku farbaj. Šyby ŭ voknach napałovu pabityja, ścieny pafarbavanyja aby-jak. Takoje niemahčyma sabie ŭjavić u anałahičnym domie ŭ Brusieli, Lublanie ci inšym vialikim horadzie «raspusnaj Jeŭropy».

Padłoha ŭ padjezdach u bolšaści damoŭ myjecca tolki na papiery. Tady jak u Varšavie navat u panelnych šmatpaviarchovikach štodzień leśvicy i padłohi myjuć z myjučym srodkam.

Sol

U Biełarusi čyścinia dasiahajecca rostam kolkaści prybiralnikaŭ. U Jeŭropie čaściej dumajuć pra toje, jak by mienš było čaho prybirać.

Zamiežniki zaŭvažajuć, što «čyścinia» ŭ Biełarusi charakternaja dla suchoha, letniaha siezonu, choć jon karotki. U toj ža čas technałohii padtrymańnia paradku zimoj nie idealnyja. U adroźnieńnie ad Chielsinki ci Drezdena, u Minsku zimoj tabie nie ŭdasca prajści z punktu A ŭ punkt B, nie zamazaŭšy botaŭ.

Sol na vulicy ŭ Minsku. Zima 2017. Fota Siarhieja Hudzilina

Dla pasypańnia daroh i tratuaraŭ u nas vykarystoŭvajuć sol. Jana razam z brudam pakryvaje čepkim słojem usio vakoł daroh, vulic i navat tratuaraŭ.

U jeŭrapiejskich krainach u tych ža metach vykarystoŭvajuć hranitnuju krošku, a našy salanyja darohi vyhladajuć vielmi nieestetyčna.

Les i voziera

U biełaruskich lasach, palach i vadajomach niaredka sustrenieš płastyk, a to i cełyja zvałki. U Niamieččynie ci Šviecyi z takim nikoli nie sutykniešsia.

Śmiećcievaja zvałka ŭ poli niepadalok ad šašy Brest— Maskva. Fota Siarhieja Hudzilina.

Prykłady možna doŭžyć. A vy pahadžajeciesia z tym, što «biełaruskaja čyścinia» nie roŭnaja «čyścini jeŭrapiejskaj»? Pišycie ŭ kamientach.

Kamientary69

Ciapier čytajuć

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Usie naviny →
Usie naviny

Tramp zajaviŭ, što vystupić z važnaj zajavaj nakont Rasii4

Upieršyniu rasijskija vajskoŭcy zdalisia ŭ pałon robatam — navatarskaja apieracyja ŭkrainskaj šturmavoj bryhady7

Samaja darahaja sumačka ŭ śviecie. Sumku dla Džejn Birkin pradali za rekordnyja $10 miljonaŭ

Tramp pachvaliŭ prezidenta Libieryi za anhlijskuju, ale tam heta mova aficyjnaja2

Za adzin viečar try biełaruskija futbolnyja kłuby pieramahli supiernikaŭ z Armienii, Makiedonii i Čarnahoryi. Heta rekord7

U Homieli źjaviŭsia skvier Milicyi. Haradžan nie pytalisia navat farmalna4

Vialikabrytanija i Ukraina padpišuć histaryčnuju damovu ab pastaŭcy tysiač rakiet dla SPA

«Sa studzienia Rasija straciła 100 tysiač sałdat. Zabitymi. Nie ŭsiaho, a zabitymi»8

U Minsku pačali budavać aŭtadarohu z Kałodziščaŭ u Kałodziščy

bolš čytanych navin
bolš łajkanych navin

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Hałoŭnaje
Usie naviny →

Zaŭvaha:

 

 

 

 

Zakryć Paviedamić