Dyzielnaje paliva
Sprava navat nie ŭ tym, što ŭ budučyni my ŭsie budziem karystacca elektratranspartam. Navat ciapier možna zaŭvažyć, što aŭtobusnyja vychłapy, pach jakich šmat kamu prychodzicca daspadoby, pachnuć užo nie tak pryjemna, jak heta było jašče 5-10 hadoŭ tamu. Va ŭsim vinavatyja vytvorcy dyzpaliva, jakija z kožnym hodam źnižajuć utrymańnie ŭ im siery i dadajuć katalizatary novaha pakaleńnia.
Vohnišča ź liścia
Aktyŭnaja baraćba ekołahaŭ z zabrudžvańniem pavietra pryviała da taho, što ŭ roznych krainach ŭžo isnuje zabarona na spalvańnie apałaha asieńniaha liścia. Ale što za vosień bieź vialikich hrudaŭ žoŭtaha liścia? Na ščaście, u Biełarusi my pakul usio jašče možam adčuć hety rodny šmat kamu ź dziacinstva vodar.
Pistony
Pistony jašče i ciapier možna adšukać u niekatorych kijoskach. Tolki kamu jany ŭžo cikavyja? Moža i tak, ale toj, u čyim dziacinstvie nie było piersanalnych kampjutaraŭ, nikoli nie zabudzie hety pach porachu.
Krejda
Nichto z maładoha pakaleńnia amierykancaŭ nikoli nie adčuvaŭ pachu krejdavaha pyłu. Čornyja i zialonyja krejdavyja doški u ZŠA, jak i ŭ šmat jakich inšych krainach, užo daŭno zamianili na biełyja markiernyja. Ale ž tut, u Biełarusi, my možam hanarycca, što ŭsio jašče majem mahčymaść pisać krejdaj i adčuvać hety pach, jaki moža abo padabacca, abo razdražniać.
Novaja kniha
Mahčyma, heta samy viadomy prykład źnikajučaha vodara. Moža, chtości i žyć bieź jaho nie moža, skuplajučy ŭsie knihi z kniharniaŭ i stvarajučy vielizarnyja biblijateki doma. Ale ž my usio čaściej prybiahajem da karystańnia elektronnymi knihami, i heta nie tak i błaha, uličvajučy, jakuju kolkaść drevaŭ jany ratujuć štohod.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj1
Kamientary