Štab favaryta francuzskaj prezidenckaj honki Emaniuela Makrona byŭ atakavany špijonskaj kibierhrupaj, jakaja źviazana z Hałoŭnym raźviedvalnym upraŭleńniem Rasii (HRU), paviedamlaje Reuters.
Śpiecyjalist pa kibierbiaśpiecy Fajkie Akbor (Feike Hacquebord) znajšoŭ dokazy taho, što kibierhrupa Pawn Storm atakavała elektronnuju poštu kandydata i sprabavała ŭstalavać na jaho sajt škodnasnyja prahramy. Ekśpiert zaŭvažyŭ, što hetaja ataka vielmi padobnaja na ataki suprać štabu Chiłary Klintan i partyju Anhieły Mierkiel CHDS.
Pawn Storm stvaryła čatyry fejkavyja akaŭnty dla ažyćciaŭleńnia fišynhavych atak na makronaŭski ruch «En Marche!» («Napierad!») z vykarystańniem fejkavych siervieraŭ.
Pra pieršyja chakierskija ataki na kamandu Emaniuela Makrona stała viadoma jašče 13 lutaha, kali hienieralny sakratar «En Marche!» («Napierad!») Ryšar Fieran (Richard Ferrand) paviedamiŭ, što ruch staŭ achviaraj «socień i tysiač» chakierskich atak z Rasii.
Pres-sakratar Uładzimira Pucina Dźmitryj Piaskoŭ admaŭlaje ŭdzieł Rasii ŭ hetych atakach. Pradstaŭnik francuzkaha dziaržaŭnaha ahienctva kibierbiaśpieki ANSSI paćvierdziŭ fakt ataki, ale nie moža aficyjna śćviardžać, što za atakaj staić mienavita Pawn Storm i Rasija.
Pawn Storm — adna z najstarejšych chakierskich hrupovak, viadomaja taksama pad imionami APT 28, Fancy Bear, Sofancy i Strontium. Amierykanskija kampanii, jakija pracujuć u halinie infarmacyjnaj biaśpieki (CrowdStrike, Dell SecureWorks, FireEye i ThreatConnect) źviazvajuć hetuju chakierskuju hrupu z rasijskim uradam i Hałoŭnym raźviedvalnym upraŭleńniem.
7 maja adbudziecca druhi tur prezidenckich vybaraŭ u Francyi, dzie libierał i centryst Emaniuel Makron, jaki aktyŭna krytykuje źniešniuju palityku Rasii, budzie zmahacca za pasadu prezidenta suprać Maryn Lo Pen, jakaja brała kredyty ŭ rasijskich bankach i zajmała ŭ asnoŭnych pytańniach prakramloŭskuju pazicyju.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy2
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary